"ائرمنیستانا ناتو-نون بو موناقیشه‌نین بیر حیسه‌سی اولمادیغینی خاطیرلاتدیم"
ناتو-نون باش کاتیبی ینس استولتئبرگ اتفاقین داغلیق قاراباغ-داکی موناقیشه‌نین طرفی اولمادیغینی ائرمنیستان پرزیدنتی آرمن سارکیسیانا خاطیرلاتدیغینی بیلدیریب.
ناتو-نون باش کاتیبی ینس استولتنبرگ اتفاقین داغلیق قاراباغ-داکی موناقیشه‌نین طرفی اولمادیغینی ائرمنیستان پرزیدنتی آرمن سارکیسیانا خاطیرلاتدیغینی بیلدیریب.
ینس استولتنبرگ و ائرمنیستان پرزیدنتی آرمن سارکیسیان ناتو-نون بلژیک-ین پایتاختی بروکسل-ده کی قرارگاهینداکی گؤروشون‌دن سونرا مطبوعاتا آچیقلاما وئریب‌لر.
استولتنبرگ داغلیق قاراباغ-داکی وضعیتی موذاکیره ائتدیک‌لرینی بیل‌دیره‌رک، "ائرمنیستان پرزیدنتینه ناتو-نون بو موناقیشه‌نین بیر حیسه‌سی اولمادیغینی خاطیرلاتدیم. آذربایجان و ائرمنیستان 25 ایلدن چوخ‌دور کی، ناتو-نون دیرلی طرفداش‌لاری‌دیر" دئییب.
ناتو-نون آتشکسین پوزولماسیندان ناراحات اولدوغونو وورغولایان استولتنبرگ موباحیثه لره سون قویولماسی‌نین، آجی‌لارین دایاندیریلماسی‌نین و باریش دانیشیق‌لاری ایله حل یولونون تاپیلماسی‌نین واجیب‌لیگینی وورغولاییب.
استولتنبرگ طرف‌لری تمکین‌لی اولماغا و آتشکسه رعایت ائتمه‌یه چاغیریب و گرگینلیگین ان قیسا مودتده آزالدیلماسینی ایسته‌دیک‌لرینی سؤیله‌ییب.
باش کاتیب "سیویل لری هدف آلماق قبول ائدیلمزدیر و درحال دایانما‌لی‌دیر. هر کس دایمی سیاسی حل اوچون جهد گؤسترمه‌لی‌دیر.. ائرمنیستان و آذربایجان دانیشیق‌لاری داوام ائتدیرمه‌لی‌دیرلر" دئیه قئید ائدیب.
ایلگیلی‌لی خبرلر
آنتونی بلینکن چین-لی همکاری وانگ یی ایله گؤروشوب
امریکانین خاریجی ایشلر ناظیری آنتونی بلینکن چینه رسمی سفری چرچیوه‌سینده همکاری وانگ یی ایله گؤروشوب.
