دونیادا کروناویروسدان اؤلنلرین سایی آرتماقدا داوام ائدیر
یئنی نوع کروناویروس (کووید-19) انفکسیونوندان اؤلنلرین سایی دونیا میقیاسیندا بیر میلیون 121 مینی کئچیب.
یئنی نوع کروناویروس (کووید-19) انفکسیونوندان اؤلنلرین سایی دونیا میقیاسیندا بیر میلیون 121 مینی کئچیب. خسته سایینداکی آرتیم ایسه خصوصیله آوروپادا انفکسیونون ایکینجی دالغاسینین شدتلی شکیلده یاییلدیغینی گؤستریر. خستهلیگه توتولانلارین سایی 40 میلیون 566 مینی کئچرکن، ساغالانلارین سایی 30 میلیون 280 مینه چیخیب.
225 مین اینسان ایتکیسی و 8 میلیون 437 مین یولوخما ایله اپیدمینین مرکزی اولان امریکا-دا آغ ائوین یئنی نوع کروناویروسلا موباریزه تیمینده اولان پرزیدنت دونالد ترامپین میللی آلرژی و انفکسیون خستهلیکلر اینستیتوتونون دیرکتورو دوکتور آنتونی فائوچینی "بیر فلاکت اولاراق" خاراکتریزه ائتدیگی ایرهلی سورولوب.
امریکا مطبوعاتیندا یئر آلان خبرلره گؤره، ترامپ "اینسانلار فائوچی و دیگر آخماقلاری دینلمکدن بزدیلر" ایفادهسینی ایشلهدیب.
ایسپانیادا "کووید-19" انفکسیونوندان سون 3 گونده 217 نفر اؤلوب، بونونلا دا اؤلکهده اینسان ایتکیسی 33 مین 992-یه یوکسلیب. عینی دؤورده 37 مین 889 یئنی حادثهنین گؤرولدوگو اؤلکهده انفکسیونا یولوخانلارین سایی 974 مین 449-ا چیخیب. ایسپانیا آوروپادا ان چوخ خستهنین اولدوغو اؤلکهدیر.
پورتوقالیا ساغلیق ناظیرلیگی سون 24 ساعاتدا "کووید-19" سببیله 19 نفرین اؤلدوگونو و 1949 یئنی حادثهنین قئیده آلیندیغینی آچیقلاییب. اؤلکهده اینسان ایتکیسی 2 مین 198-ا، یولوخما سایی ایسه 101 مین 860-ا یوکسلیب.
هیندوستاندا آشکار اولونموش کروناویروسا یولوخما حاللارینین عمومی سایی 7،5 میلیونو کئچیب.
هیندوستاندا سون 24 ساعات عرضینده 55 مین 722 نفر ویروسا یولوخوب. همچنین سون گونده اؤلکهده 587 نفر کروناویروسون قوربانی اولوب. بونونلا دا اؤلنلرین عمومی سایی 115 مین 236 نفره چاتیب.
اؤلکهده 7 میلیوندان چوخ اینسان کروناویروسدن ساغالیب.
ایراندا پاندمی باشلایاندان بری ایلک دفعه بیر گونده 300-دن چوخ کروناویروس خستهسی اؤلوب.
اؤلکهده سون 24 ساعاتدا 4 مین 251 یئنی یولوخما حادثهسینین آشکارلاندیغینی، 337 نفرین اؤلدوگو قئید ائدیلیب..
بوندان اؤنجه کروناویروس قوربانلارینین اوولکی گوندهلیک ماکسیموم سایی 279 ایدی.
بونونلا دا اؤلکهده کروناویروس انفکسیونونون آشکارلاندیغی 19 فوریه تاریخیندن بری یولوخموش اینسانلارین عمومی سایی 534 مین 631 نفره، کووید-19 قوربانلارینین سایی ایسه 30 مین 712 نفره چاتیب. 431 مین 360 نفر ویروسدان ساغالیب.
اینگیلترهده اؤتن 24 ساعات عرضینده "کووید-19"ا 18 مین 804 نفر یولوخوب.
اؤلکهده کروناویروسا یولوخانلارین عمومی سایی 741 مین 212 نفره چاتیب.
ایلگیلیلی خبرلر
جوزپ بورل فیلیسطین دؤولتینی تانییاجاق اؤلکهلری آچیقلادی
جوزپ بورل ایسپانیا، مالتا، ایرلاندیا و اسلوونیا-نین فیلیسطین دؤولتینی تانییاجاغینی بیلدیریب.