کانادا‌لی حاکم مسلمان قادین‌دان 5 ایلدن سونرا عذر ایسته‌دی
کانادانین کبک ایالتینده مسلمان بیر قادین‌ین حجابینا گؤره ایشینه باخمایان حاکم بئش ایل سونرا متهم‌دن عذر ایسته‌ییب.
کانادانین کبک ایالتینده مسلمان بیر قادین‌ین حجابینا گؤره ایشینه باخمایان حاکم بئش ایل سونرا متهم‌دن عذر ایسته‌ییب.
کبک ایالتیندکی حاکم‌لرین ان یوکسک انتظام اورقانی اولان کبک محکمه شوراسی‌نین عضو‌لری داها اول قبول ائتدیک‌لری قرارا گؤره حاکم الیانا مارنگو و ایشینه باخمادیغی رانیا ال اولولودان ایله آنلاین ایجلاس کئچیریب.
شورا عضو‌لری‌نین قارشی‌سیندا عذر ایسته‌دیگی متنی اوخویان حاکم مارنگو ال اولولودان حجابینی چیخارماسینی ایسته‌مکله سهو ائتدیگینی و سبب اولدوغو ناراحاتلیغا گؤره پئشمان اولدوغونو سؤیله‌ییب.
مارنگو او واخت ال اولولودان حجابینی محکمه سالونوندا گئییلن بیر پاپاق و یا گونش ائینیی ایله موقاییسه ائتدیگینی ایفاده ائده‌رک عذر ایسته‌ییب.
رانیا ال اولولو دا مارنگونون عذرونو قبول ائتدیگینی آچیقلاییب.
قئید ائدک کی، کانادا-نین مونترال شهرینده، 2015-جی ایلین آوریل آییندا حاکم مارنگو ترافیک سوچونا گؤره ایجلاسا گلن شوبهه‌لی مسلمان قادین‌ین حجاب‌لی اولدوغو سببیله ایشینه باخمامیشدی.
حادثه‌نین کانادا و دونیا توپلوموندا عکس اولونماسیندان سونرا ال اولولولا، خصوصاً کانادا باش ناظیری جاستین ترودو باشدا اولماقلا جمعیت‌دن دستک گلدی.
کبک ایالت محکمه‌سی شوراسی باش وئرن‌لرله علاقه‌دار اونلارلا شیکایتی قیمتلندیردیگی سون ایجلاسیندا حاکمین رانیا ال اولولودان بیر مکتوبلا یازیلی شکیلده عذر ایستمه‌سینه قرار وئریب.
ایلگیلی‌لی خبرلر
جوزپ بورل فیلیسطین دؤولتینی تانییا‌جاق اؤلکه‌لری آچیقلادی
جوزپ بورل ایسپانیا، مالتا، ایرلاندیا و اسلوونیا-نین فیلیسطین دؤولتینی تانییاجاغینی بیلدیریب.
