کروناویروسا یولوخان‌لارین سایی 19 میلیونو کئچیب

یئنی نوع کروناویروس اپیدمیسی سببیندن ایندییه‌دک حیاتینی ایتیرنلرین سایی 714 مینی کئچیب. ویروسا یولوخان‌لارین سایی 19 میلیون 146 مین اولوب. دونیادا کروناویروس انفکسیونوندان معالیجه اولونا‌راق ساغالان اینسان‌لارین سایی ایسه 12 میلیون 289 مینی اؤتوب.

162 میندن اینسان ایتکی‌سی و 5 میلیون‌دان چوخ یولوخما فاکتی ایله اپیدمی‌نین مرکزی اولان امریکا-دا خاریجی ایشلر ناظیرلیگی "امریکا خسته‌لیک‌لره نظارت و قارشی‌سی‌نین آلینماسی مرکزی ایله امکداش‌لیق ائده‌رک 4-جو سویه قلوبال سیاحت خبردارلیغینی لغو ائدیریک" بیاناتینی یاییب. پاندمی‌نین "نظرده توتولمایان" طبیعی خصوصیتی سببیندن امریکا وطنداش‌لاری‌نین سیاحت ائدرکن هله ده دقت یئتیرمه‌لری‌نین واجیب‌لیگی‌نین دیله گتیریلدیگی بیاناتدا "بعضی اؤلکه‌لرده ساغلام‌لیق و تهلوکه‌سیزلیک شرایطی یاخشیلاشارکن بعضی‌لرینده ایسه پیسلشمه‌سیله ناظیرلیگیمیز ساده‌جه 1-دن 4-ا قدر سیاحت خبردارلیغی ائدیلن کئچمیش‌دکی سیستمه قایی‌دیر" معلوماتی وئریلیب.

فرانسا-دا سون 24 ساعات عرضینده اپیدمی سببیله داها 7 نفرین حیاتینی ایتیرمه‌سیله اینسان ایتکی‌سی 30 مین 312 نفر اولوب. یئنی کروناویروسا یولوخان‌لارین سایی‌نین 1604 آرتا‌راق 222 مین 350-ا یوکسلدیلدیگی اؤلکه‌ده ای سی یو-داکی اینسان‌لارین سایی یئنی‌دن آرتارکن، انفکسیون سرعتله یاییلماغا داوام ائدیر. عالی تحصیل ناظیرلیگی‌نین وئردیگی آچیقلامایا گؤره، "کووید-19" تدبیرلری چرچیوه‌سینده مارس آییندان اعتباراً باغلانان بیلیم یوردلاری سپتامبر آییندا آچیلا‌جاق. آچیقلامادا بیلیم یوردلاریندا ماسک‌لارین ایستیفاده‌سی‌نین واجیب اولدوغو بیلدیریلیب.

اپیدمی نتیجه‌سینده 21 مین 771 نفرین اؤلدوگو افریقا قاره سینده یولوخما‌لارین سایی بیر میلیونو اؤتوب.

قاره ده "کووید-19"دان ان یوکسک اینسان ایتکیسی 9 مین 298 اؤلومله گونئی افریقا، 4930 اؤلومله میصر و 1273 اؤلومله الجزایرده قئیده آلینیب. بوندان علاوه، اتیوپی-ده 365، زیمبابوه-ده 84 نفرین اؤلدوگو بیلدیریلیب.