امریکا-دا کروناویروسا یولوخانلارین سایی 2 میلیونو کئچیب

امریکا-دا سون معلوماتا گؤره کروناویروس اینفکسیونونا یولوخما حاللارینین سایی ایکی میلیونو کئچیب.

فدرال و یئرلی حاکمیت اورقانلارینین معلوماتلاری اساسیندا حسابلامالار آپاران جان هاپکینیز بیلیم یوردو بیلدیریب.

تدقیقات تشکیلاتینین معلوماتینا اساساً، پاندمی یاییلماغا باشلایان‌دان اؤلکه‌ده بو اینفکسیوندان 112 مین 908  نفر دونیاسینی دییشیب، 533 مین 504 نفر ایسه خسته‌لیک‌دن ساغالیب.