فرانسا-دا کروناویروسدان اؤلنلرین سایی 28 مین 530-ا چاتیب
بو بارهده اؤلکهنین باش ساغلیق ایدارهسی معلومات یاییب.
فرانسا-دا یئنی نوع کروناویروس اینفکسیونونون قوربانلارینین سایی 28 مین 530 نفره چاتیب، حاضیردا 16 مین 264 نفر هله ده خستهخانالاردادیر.
بو بارهده اؤلکهنین باش ساغلیق ایدارهسی معلومات یاییب.
"کووید-19 تشخیصی ایله 16 مین 264 نفر خستهخانایا یئرلشدیریلیب، بیر هفته اول بو رقم 18 مین 468 نفر ایدی. سون 24 ساعاتدا داها 318 نفر خستهخانایا مراجعت ائدیب"، - دئیه ایداره بیلدیریب.
یولوخانلاردان 1555 نفرین وضعیتی آغیر حساب اولونور، اونلار ای سی یو شعبهلرینه یئرلشدیریلیب.
"اپیدمینین باشلانغیجیندان بری 100 مین 841 نفر خستهخانایا چاتدیریلیب، اونلاردان 17 مین 807 نفری ایسه ای سی یو-یا یئرلشدیریلیب. 65 مین 879 نفر ائوه بوراخیلیب. ایندییهدک 28 مین 530 نفر دونیاسینی دییشیب، اونلاردان 18 مین 195-ی خستهخانالاردا، 10 مین 335-ی ایسه قوجالار ائولرینده و دیگر طبی-سوسیال موسسهلرده اؤلنلردیر"، - معلوماتدا بئله دئییلیر.
ایلگیلیلی خبرلر
جوزپ بورل فیلیسطین دؤولتینی تانییاجاق اؤلکهلری آچیقلادی
جوزپ بورل ایسپانیا، مالتا، ایرلاندیا و اسلوونیا-نین فیلیسطین دؤولتینی تانییاجاغینی بیلدیریب.