دونیا-دا کروناویروس قوربانلارینین سایی 330 مینی اؤتوب
دونیا-دا کروناویروسا یولوخانلارین عمومی سایی 5 میلیونو، ساغالانلارین سایی دا 2 میلیونو کئچیب.
یئنی نوع کروناویروسدان ایندییهدک حیاتینی ایتیرنلرین سایی دونیا اوزره 330 مینی اؤتوب. ویروسا یولوخانلارین عمومی سایی 5 میلیونو، ساغالانلارین سایی دا 2 میلیونو کئچیب.
93 مین 858 حیات ایتکیسی و بیر میلیون 576 مین یولوخما سایی ایله اپیدمینین مرکزینه چئوریلن امریکا-دا نیویورک والیسی آندرو کوومو "کووید-19" پاندمی سینه گؤره دینی عبادتلرین سوسیال فاصله یه دقت یئتیریلمهسی و ماسک تاخیلماسی شرطیله ان چوخ 10 نفرین ایشتیراکی ایله تکرار باشلایا بیله جگینی سؤیلهییب. یئنی نوع کروناویروس اینفکسیونوندان امریکا حبسخانالاری آراسیندا نیویورک-دا فعالیت گؤسترنلر ان چوخ تاثیرلنیبلر.
نیوریورک تایمز قزئتینده یئر آلان خبرده نیویورک شهرینده ایشلهین 9 مین 680 حبسخانا گؤزتچیسینین مین 259-دا "کووید-19" ویروسو آشکارلاندیغی، ایکی طب ایشچیسی داخیل ان آز 13 حبسخانا ایشچیسینین دونیاسینی دییشدیگی بیلدیریلیب. اؤلکهده بعضی ایالت ایدارهلری"کووید-19" اپیدمیسینین یاییلماسی بارهده اساسسیز خبرلرله موباریزه آپارماق اوچون خصوصی اینترنت سایتلاری قوروبلار.
آوروپا-داکی اپیدمینین مرکزی اینگیلتره-ده "کووید-19" ویروسوندان سون 24 ساعاتدا اؤلنلرین سایی 363 نفر آرتاراق 35 مین 704-ا چیخیب. یولوخما سایی 2 مین 472 آرتیملا 248 مین 293-ا یوکسلیب. بو آرادا کرالیچه ایکینجی ائلیزابتین دوغوم گونو اوچون هر ایل نشر اولونان "شرف سیاهیسی" نین اپیدمییه قارشی موباریزهده ایشتیراک ائدن "قهرمانلارین" علاوه ائدیله بیلمهسی اوچون پاییزدا اعلان ائدیلهجگی آچیقلانیب.
ایتالیا-دا پاندمی ده اؤلنلرین سایی سون 24 ساعاتدا 161 آرتاراق 32 مین 330-ا چاتیب. یولوخما سایی 2 مین 377 آزالما ایله 62 مین 752-یدک دوشوب. بونونلا یاناشی، باش ناظیر جوزئپه کونته سنا-دان چیخان زامان وئردیگی آچیقلاماسیندا گنجلرین توپلاناراق شادیانلیق ائتمهلری اوچون دوغرو واخت اولمادیغینی، بونون ویروسون یاییلما ریسکینی آرتیراجاغی بارهده خبردارلیق ائدیب.
فرانسا-دا "کووید-19" سببیله حیاتینی ایتیرنلرین سایی سون 24 ساعاتدا 110 نفر آرتاراق 28 مین 132-ا، ویروس آشکارلانانلارین سایی ایسه 418 نفر آرتاراق 216 مین 944-ا چیخیب.
دیگر طرفدن، اینسانلارین رننس شهرینین بعضی یئرلرینده توپلانمالاری و الکللو ایچکی ایچمهلری سببیندن یئرلی واختلا ساعات 16:00 ایله 07:00 آراسیندا الکللو ایچکی ایستیفادهسی قاداغان ائدیلیب. بو قایدایا عمل ائتمهینلر 135 یورو ایله جریمهلنهجکلر.
ایسپانیا-دا "کووید-19" سببیله اؤلنلرین سایی سون 24 ساعاتدا 95 آرتاراق 27 مین 888-ا چاتیب، ویروسا یولوخانلارین سایی ایسه 232 مین 555 نفر اولوب. اؤلکهنین دوغوسونداکی بارسلونا شهرینده یالنیز گزینتی و ایدمان اوچون آچیلان چیمرلیکلره آخین ائدن اینسانلار "کووید-19" اینفکسیونو ایله موباریزه اوچون تطبیق اولونان تدبیرلری پوزوبلار.
ایسپانیا پارلامنتی "کووید-19" پاندمیسی سببیندن مارس ین 14-دن اعتباراً تطبیق اولونان و می ین 24-ده باشا چاتاجاق فوق العاده وضعیت رژیمینین داها ایکی هفته مودتینین اوزادیلماسینی تصدیقلهییب.
برزیلیا-دا اپیدمی سببیله اؤلنلرین سایی 18 مین 859-ا یوکسلیب. اؤلکهدکی یولوخمالارین سایی 291 مین 579-ا یاخینلاشیب.
آلمانیا-دا "کووید-19" پاندمیسی سببیندن عبادته فاصیله وئریلن مسجیدلرین بعضیلرینده بو ایلین ایلک تراویه نمازی معین قایدالار چرچیوهسینده قیلینیب. می ین 9-دان اعتباراً اؤلکه داخیلیندکی مسجیدلرده سرت قایدالار تطبیق اولوناراق سحر، گونورتا و گونورتادان سونراکی واختلاردا نماز قیلماغا ایجازه وئریلمیشدی.
کانادا-دا "کووید-19" سببیله اؤلنلرین سایی 6 مین 136، یولوخمالارین سایی 80 مین 142-ا، ساغالارین سایی 40 مین 776-ا یوکسلیب.
ایلگیلیلی خبرلر
تانزانیا-دا داشقینلار نتیجهسینده 155 نفر اؤلوب
تانزانیا-دا گوجلو یاغیشلارین سبب اولدوغو داشقینلار نتیجهسینده آزی 155 نفر اؤلوب.
سومالی-ده 70 الشباب-ین عضوو ضررسیزلشدیریلیب
سومالی-ده ترور تشکیلاتی "الشباب"ین 70 عضوو حیاتا کئچیریلن هاوا عملیاتی نتیجهسینده ضررسیزلشدیریلیب.