باتی اؤلکه لرینده کروناویروسلا باغلی سون وضعیت

یئنی نوع کروناویروس سببیندن ایندیدک هلاک اولان‌لارین سایی 94 مینی، یولوخان‌لارین سایی ایسه 1،6 میلیون اولوب.

ایتالیا-دا "کووید-19" اپیدمیاسی نتیجه‌سینده حیاتینی ایتیرن‌لرین سایی سون 24 ساعاتدا 610 نفر آرتا‌راق 18 مین 279-ا  چیخیب. اونلارین 105-ی حکیم، 28-ی ایسه طب باجی‌سی‌دیر. یولوخان‌لارین سایی‌نین 96 مین 877-ا یوکسلدیگی اؤلکه‌ده حکومتین آوریلین 13-ده سونا چاتا‌جاق سرت قرنطینه تدبیرلری‌نین مودتینی داها 2 هفته اوزاتماغا حاضیرلاشدیغی بیلدیریلیب.

فرانسا-دا یئنی نوع کروناویروس (کووید-19) اپیدمیاسیندان اؤلن‌لرین سایی 12 مین 210-ا یوکسلیب. ویروس آشکارلانان‌لارین سایی سون 24 ساعاتدا 4 مین 286 آرتا‌راق 86 مین 334 اولوب.

اینگیلتره-‌ده "کووید-19" سببیله حیاتینی ایتیرن‌لرین سایی‌نین سون 24 ساعاتدا 881 نفر آرتا‌راق 7 مین 978، معالیجه آلان‌لارین سایی‌نین ایسه 16 مین 784 اولدوغو بیلدیریلیب.

بو آرادا 3 گون‌دور "کووید-19"-ا یولوخدوغو اوچون معالیجه آلان باش ناظیر بوریس جانسونون یوغون باخیم دان چیخدیغی آچیقلانیب.

اپیدمیا‌دان اؤلن‌لرین سایی‌نین 15 مین 238-ا، ویروسا یولوخان‌لارین سایی‌نین ایسه 152 مین 446-یا یوکسلدیگی ایسپانیا اپیدمیا ایله موباریزه اوچون 14 مارس دا اعلان ائدیلن فوق العاده وضعیت رژیمی 26 آوریل تاریخینه قدر اوزادیب.

اپیدمیا سببیله 2431 نفرین اؤلدوگونو بیلدیرن آلمانیا-دا "کووید-19"-دان داها 7 تورک اؤلوب. اؤلکه‌ده اؤلن تورک‌لرین سایی 49-ا، یولوخان‌لارین سایی ایسه 115 مینه یوکسلدی.

یئنی نوع کروناویروسون مرکزی یئری اولان آمریکا-دا اؤلن‌لرین سایی آرتیر.

14 مین 831 اینسانین حیاتینی ایتیردیگی اؤلکه‌ده 432 مین 579 آدام ویروسا توتولوب. اؤلوم‌لرین 799-و اپیدمیانین ان چوخ تأثیر ائتدیگی نیویورک ایالت ینده قئیده آلینیب. بئله‌لیکله، ایالت ده اؤلن‌لرین سایی 7 مین 67-ا یوکسلیب.

دیگر طرف‌دن، آبش دونانماسینا قوشولان "یو اس اس تئودور روزولت" طیاره گمی‌سیندن سونرا " یو اس اس نیمیتز "  و "یو اس اس رونالد ریگان"  طیاره گمی‌لرینده ده "کووید-19"-ا یولوخما فاکت‌لاری آشکارلانیب.