دوغو اؤلکه‌لرینده یئنی نوع کروناویروسلا باغلی سون وضعیت- 31 مارس

یئنی نوع کروناویروس اپیدمیاسی سرعتله یاییلماغا داوام ائدیر. اپیدمیا سببیندن ایندیدک هلاک اولان‌لارین سایی 35 مینی، یولوخان‌لارین سایی ایسه 750 مینی کئچیب.

قوزیی قیبریس تورک جمهوریتینده اپیدمیا سببیندن بو گون یئرلی واختلا ساعات 21.00-06.00 -دک کوچه یه چیخما قاداغاسی اعلان ائدیلمه‌سی ایله باغلی قرار قبول ائدیلیب. قوزیی قیبریس تورک جمهوریتینده ویروسا یولوخان‌لارین سایی 69 نفره یوکسلیب.

یئنی نوع کروناویروس سببیندن 2700 -دن چوخ اینسانین اؤلدوگو ایران-دا خستلیگین ان آز 2 آی داها اؤز جدی‌لیگینی قوروماسی گؤزلنیلیر.ایران جمهور باشقانلیغی علم، تکنولوژی و ایقتیصادیاتی اینکیشاف ائتدیرمه شوراسی‌نین سؤزچوسو پرویز کریمی کروناویروسلا موباریزه مرکزی‌نین اپیدمیا ایله باغلی حاضیرلادیغی راپورو بؤلوشوب. راپورا اساساً، اپیدمیا ژوئن آیی‌نین اوولیندک اؤز جدی‌لیگینی قورویا‌جاق.

آذربایجان-دا یئنی نوع کروناویروس اپیدمیاسی ایله علاقه‌دار کوچه یه چیخما قاداغاسی اعلان ائدیلدی. 4 نفرین اؤلدوگو و 273 نفرین اپیدمیایا یولوخدوغو اؤلکه‌ده ساغلیق، آلت یاپی، نقلیات و لجستیک، قیدا اوره تیمی، نفت و طبیعی گاز و بانکچی‌لیق کیمی بیر سیرا سئکتور ایشچی‌لری فعالیت‌لرینی داوام ائتدیره بیله‌جک‌لر. مطبوعات نماینده‌لری ده فعالیت‌لرینی یئرینه یئتیره بیله‌جک.

ایشغال آلتینداکی فیلیسطین تورپاق‌لاریندا یئنی نوع کروناویروسا یولوخان‌لارین سایی 116 نفره یوکسلیب.بو آرادا تورک امکداش‌لیق و کووردیناسیون آژانسیندان وئریلن آچیقلامادا بیلدیریلیب کی، تیکا طرفیندن اینشا ائدیلن و فیلیسطین-ین ان بؤیوک ساغلیق مرکزی اولان غزه فیلیسطین-تورکیه دوستلوق خسته‌خاناسی جمهور باشقانی رجب طیب اردوغانین تعلیماتی ایستیقامتینده کروناویروس اپیدمیاسی ایله موباریزه چرچیوه‌سینده فیلیسطین‌لی صلاحیت‌لی‌لره تحویل وئریلیب.

عراق-دا یئنی نوع کروناویروس اپیدمیاسی سسببیندن هلاک اولان‌لارین سایی 46-یا، یولوخان‌لارین سایی ایسه 630-ا یوکسلیب. اؤلکه‌ده ویروسا یولوخان و داها سونرا معالیجه اولونا‌راق ائولرینه بوراخیلان‌لارین سایی ایسه 152 نفره چاتیب.

ایسرایل-ین باش ناظیری بنیامین نتانیاهو مشاورلریندن بیری‌نین کووید-19-ا یولوخماسی سببیندن قرنطینه آلینیب.ایسرایل ساغلیق ناظیرلیگی‌نین معلوماتینا گؤره، اؤلکه‌ده اپیدمیا سببیندن هلاک اولان‌لارین سایی 15-ا، یولوخان‌لارین سایی ایسه 4 مین 347 نفره چاتیب.

معلوماتا گؤره، کروناویروس سببیندن الجزایر-ده 35، مراکش-ده 33، تونیس-ده 9 و اردن-دا 5 نفر هلاک اولوب.