ماکرون و مرکل دن پوتینه چاغیریش

فرانسا پرزیدنتی امانوئل ماکرون و آلمانیا باش ناظیری آنگلا مرکل روسیا پرزیدنتی ولادیمیر پوتینه سوریه-نین ادلیب بؤلگه‌سیندکی توققوشما‌لارا درحال سون قویولماسی اوچون چاغیریش ائدیب.

آلمانیا حکومت سؤزچوسو استفان سیبرت طرفیندن وئریلن یازیلی آچیقلامایا گؤره، مرکل و ماکرون پوتین ایله تلفونلا دانیشیب‌لار.

ماکرون و مرکل پوتینه ادلیب شهرینده فلاکته سبب اولان اینسانی وضعیت‌دن نه قدر ناراحات اولدوق‌لارینی ایفاده ائدیب‌لر و بوراداکی توققوشما‌لارا درحال سون قویولماسی اوچون چاغیریش ائدیب‌لر.

احتیاجی اولان‌لارا اینسانی یاردیم‌لارین چاتدیریلماسینا مانع اولونماماسینی ایسته‌ین ایکی لیدر پوتین و جمهور باشقانی رجب طیب اردوغان ایله ادلیب‌دکی بحرانا سیاسی حل یولو تاپیلماسی اوچون گؤروش کئچیرمه‌یه حاضر اولدوق‌لارینی دا بیلدیریب‌لر.