فرانسا، آلمانیا و اینگیلتره-نین تهرانا بیرگه چاغیریشی
فرانسا، آلمانیا و اینگیلتره ایرانی آتوم راضیلاشمانین اساس‌لارینا تام عمل ائتمه‌یه و زوراکی‌لیق‌دان ایمتینا ائتمه‌یه چاغیریب.
فرانسا، آلمانیا و اینگیلتره ایرانی آتوم راضیلاشمانین اساس‌لارینا تام عمل ائتمه‌یه و زوراکی‌لیق‌دان ایمتینا ائتمه‌یه چاغیریب.
اینگیلتره-نین باش ناظیری بوریس جانسون، آلمانیا باش ناظیری آنگلا مرکل و فرانسا پرزیدنتی امانوئل ماکرونون بیرگه بیاناتیندا بو اؤلکه‌لرین دیگر آوروپا‌لی متفیق‌لرله اساس بیرگه تهلوکه‌سیزلیک ماراق‌لارینی بؤلوشدوگو بیلدیریلیب.
بیاناتدا بیلدیریلیب کی، بو اساس‌لاردان بیری آتوم سلاح‌لارین یاییلماسی‌نین قارشی‌سی‌نین آلینماسی و ایران-ین اصلا آتوم سلاح اینکیشاف ائتدیرمه‌مه‌سینی تامین ائتمک‌دیر. بو چرچیوه‌ده تهرانین آتوم فعالیت‌لرینی نیظاملایان بیرگه هرطرف‌لی فعالیت پلانی (JCPOA) اهمیت‌لی رول اویناییر.
امریکانین راضیلاشما‌دان چیخماسیندان دویولان ناراحاتلیغین دیله گتیریلدیگی خاطیرلادیلان بیاناتدا گئرییه قالان چین، فرانسا، آلمانیا، روسیا و اینگیلتره‌نین بیرگه هرطرف‌لی فعالیت پلانینی قوروماق باره‌دکی قرارلی لیغینی گؤستردیگی قئید اولونوب.
ایرانین راضیلاشما چرچیوه‌سیندکی تعهدلرینه تام عمل ائتمه‌سی‌نین اهمیتینه دقت چکیلن آچیقلامادا تهرانین 2019-جو ایلدن بری‌دیر آتدیغی آدیم‌لاردان دویولان تشویش وورغولانیب و بو آدیم‌لارین عکسینه حرکت ائدیلمه‌سی ایستنیب.
سون حادثه‌لرین تهرانین بؤلگه‌دکی ثابت‌لیگی پوزا‌جاق رولونو گؤستردیگی، بون‌لارا سپاه پاسداران و اونا باغلی قودس گوجونون فعالیت‌لری‌نین ده داخیل اولدوغو وورغولانان آچیقلامادا بیلدیریلیب:
"بؤلگه‌دکی متفیق‌لریمیزین و طرفداش‌لاریمیزین تهلوکه‌سیزلیگینه صداقتیمیز دییشمه‌ییب. ایرانین ثابت‌لیگی پوزوجو بولگه سل فعالیت‌لریله علاقه‌دار ناراحات‌لیق‌لار دیپلوماتیک یول‌لارلا موذاکیره اولونما‌لی‌دیر."
آچیقلامادا آیریجا اوکراینا طیاره‌سی‌نین دوشورولدوگونون ایران طرفیندن قبول ائدیلمه‌سیندن سونرا آتیلا‌جاق آدیم‌لار باره‌ده بیرگه فعالیت گؤستریله جگینه دایر وعد ده وئریلیب.
ایلگیلی‌لی خبرلر
آنتونی بلینکن چین-لی همکاری وانگ یی ایله گؤروشوب
امریکانین خاریجی ایشلر ناظیری آنتونی بلینکن چینه رسمی سفری چرچیوه‌سینده همکاری وانگ یی ایله گؤروشوب.
