هونگ کونگدا عالی محکمه حکومتین ماسکا قاداغانلیغی طلبی گئری چئویردی
چینین هونگ کونگ اؤزل ایداره بؤلگهسینده عالی محکمه، حکومتین شهردکی اعتراضلار سببیله چیخاردیغی ماسکا قاداغانینی داوام ائتدیرمه طلبینی گئری چئویردی
چینین هونگ کونگ اؤزل ایداره بؤلگهسینده عالی محکمه، حکومتین شهردکی اعتراضلار سببیله چیخاردیغی ماسکا قاداغانینی داوام ائتدیرمه طلبینی گئری چئویردی. ساوت چینا مورنینگ پوست قزئتیندکی خبره گؤره، عالی محکمه باش قاضیسی جرمی پون شیو-چور و تمییز محکمهسی باشقانینین معاوینی جانسون لام مان-هون، یاییملادیقلاری یازیلی آچیقلامادا، حکومتین، ایلک درجه محکمهسینین تطبیقین آنایاسایا ضد اولدوغونا دایر قرارینین دایاندیریلماسینا دایر مراجعتینی رد ائتدیکلرینی بیلدیرمیشدیر.
آچیقلامادا، حکومتین طلبینده ایلک درجه محکمهسینین " آنایاساسا ضدلیغی" قرارینین دایاندیریلماسینا دایر ایناندیریجی بیر سبب سونمادیغینا ایشاره ائدن قاضیلر، حکومتین قراری تمیزه گؤتورهبیلهجگینی ایفاده ائتدی.
قرارین، هر هانسی بیرینین اوزونو گیزلمهسینی خوش گؤرمه و یا تشویق ائتمه معناسینی وئرمدیگینی وورغولایان قاضیلر،
تمییز موضوعسوندا مثبت و یا منفی ایستیقامتده قرار وئرمیش دئییلیک. بو مدت ایچینده بیر آدام ماسکا تاخماغا داوام ائدرسه، حکومتین قراری تمییز ائتمهسی وضعیتینده، ایجرادا اولان قانونی دوزنلمهنی پوزما ریسکینی گؤزه آلمیش اولور. ایفادهلرینی ایستیفاده ائتدی.
قاضیلر، قراردا تنزیملمهنین دایاغی اولان و اجتماعی آساییشین تهدید ائدن وضعیتلر اوچون نظرده توتولان عاجیل یاردیم قایدالاری تعلیماتنامهسینین، اؤزل ایداره بؤلگهسینین آنایاساسی ساییلان تمل قانونا ضدیت ائتدیگینی، بو سببدن بورادان چیخاریلان اوز اؤرتمه قاداغانلیغینین اعتبارسیز اولدوغونو ایفاده ائتدی.
ایلک درجه محکمهسی، دموکراسی طرفداری 25 فعالین آچدیغی ادعادا 18 نوامبردا وئردیگی قراردا، ماسکا قاداغانلیغینین شهر آنایاساسینا ضد اولدوغونا حوکم ائتمیشدی.
ایلگیلیلی خبرلر
جوزپ بورل فیلیسطین دؤولتینی تانییاجاق اؤلکهلری آچیقلادی
جوزپ بورل ایسپانیا، مالتا، ایرلاندیا و اسلوونیا-نین فیلیسطین دؤولتینی تانییاجاغینی بیلدیریب.