هوللاندیا-دا بیچاق‌لی هوجوم نتیجه‌سینده اوچ نفر خسارت آلیب

هوللاندیانین لاهه شهری‌نین ان بؤیوک تیجارت کوچه‌سینده نامعلوم شخص بیچاقلا یول‌دان کئچن‌لره هوجوم ائدیب. حادثه نتیجه‌سینده اوچ نفر یارالانیب.

بو باره ده شهر پولیسی معلومات یاییب.

حادثه‌نین باش وئردیگی کوچه یه پولیس و عاجیل طبی یاردیم ماشینی گلیب.

اینسان‌لارا هوجوم ائدن شخص حادثه یئرین‌دن قاچیب، اونون آختاریشینا باشلانیلیب.

قئید ائدک کی، حادثه نین باش وئردیگی کوچه لاهه-نین تیجارت مرکزلری‌نین یئرلشدیگی ان بؤیوک کوچه‌لرین‌دن بیری‌دیر.