اینگیلیس اوردوسونا ساواش جینایتی سوروشدورماسی آچیلابیلر

اولوسلار آراسی جینایت محکمه‌سی‌نین (UCM) اینگیلیس اوردوسونون عراق و افغانیستاندا ایشلدیگی ساواش سوچلارییلا علاقه‌دار سوروشدورما آچابیله‌جگی ایره‌لی سورولدو.

اینگیلیس اجتماعی یایین قورولوشو بی.بی.سی، اولوسلار آراسی جینایت محکمه‌سی‌نین اینگیلیس اوردوسونون عراق و افغانیستاندا ساواش جینایتی ایشلدیگینی دایر خبرلرده یئر آلان سند‌لاری چوخ جیدی قبول ائتدیگینی قئید ائتدی.

خبره گؤره اولوسلار آراسی جینایت محکمه‌سی‌ ساوجیلیغی، حادثه‌لرله علاقه‌دار سند‌لرین موستقیل قیمتلندیریله‌جگینی و سوروشدورما قراری‌نین بونو تعقیبینده وئریله‌جگینی بیلدیریدی.

اولوسلار آراسی جینایت محکمه‌سی‌ اینگیلیستان ایله علاقه‌دار داها اوّل وئردیگی بیر قراردا، اینگیلیس عسگرلری‌نین عراقدا ساواش جینایتی ایشلدیگینی گؤسترن کیفایت قدر دلیل اولدوغو نتیجه‌سینه گلیب چیخمیشدی.

تایمز و بی.بی.سی‌نین اورتاق آراشدیرماسی، اینگیلیس عسگرلری‌نین یئنی جینایت‌لرینه باغلی دلیل‌لری اورتایا قویموشدو.

آراشدیرمایا گؤره، اینگیلیس ساوونما ناظیرلیگی ایله بعضی اوست سویه قوموتانلار بو جینایت‌لرله علاقه‌دار حیاتا کئچیریلن ایچ سوروشدورما‌لاری گیزلتمیشدی.

تایمز ایله بی.بی.سی-نین دونن یاییملادیغی خبرلره گؤره اؤرت-باس‌ ائدیلن حادثه‌لر آراسیندا افغانیستاندا 2012ده ائولرینده چای ایچن 3 اوشاق ایله بیر گنجین بیر اینگیلیس عسگری طرفین‌دن اؤلدورولمه‌سی و عراقین بصره شهرینده 2003ده مشهور ایشگنجه ائدیلن بیر دوشرگه‌ده 2 محبوسون اؤلومو ده وار.

عراق‌لی بیر پولیس‌ین 2003ده بیر اینگیلیس عسگری طرفین‌دن اؤلدورولمسیله علاقه‌دار سوروشدورمادا باشقا بیر عسگر آدینا شاهید ایفاده‌سی اویدورولماسی و فایل‌ین باغلانیلماسی دا اؤرت-باس‌ ائدیلن حادثه‌لر آراسیندا یئر آلدی.