بولیویده داوام ائدن شیدت حادثهلرینده اؤلنلرین ساییسی 18ه یوکسلدی
سئچیملرده حیله ائدیلدیگی ادعاسینداکی موخالیفلرین شیدت حرکتلرینه چئوریلن اعتراضلاری و اوردونون باسقیسی ایله دولت باشقانی ائوو مورالس ایستعفا ائتدی
بولیویده داوام ائدن شیدت حادثهلرینده اؤلنلرین ساییسی 18ه یوکسلدی.
سئچیملرده حیله ائدیلدیگی ادعاسینداکی موخالیفلرین شیدت حرکتلرینه چئوریلن اعتراضلاری و اوردونون باسقیسی ایله دولت باشقانی ائوو مورالسین ایستعفا ائتدیگی، سونراسیندا چوخ میللتلی یاساما مجلیسینین (ALP) اوست قانادی سناتورلار مجلیسی باشقانینین معاوینی جنین آنزین موقتی دولت باشقانلیغینا گتیریلدیگی بولیویده بیلانچو راپورو آغیرلاشیر.
کوچابامبا ویلایتینه باغلی ساکابا شهرینده، مورالس دستکچیسی کوکا اورهتیمیچیسی کندلیلر و کونترولو تامین ائتمک مقصدی ایله موداخیله ائدن امنیبت گوجلری آراسینداکی چاتیشمالار داوام ائدیر.
پولیسین، بیر نئچه گون اوّل عسگر دستکلی عملیات باشلاتدیغی شهرده، کوکا اورهتیچیلریندن 4 نفر داها اؤلدو.
200 نفرین نظارته آلیندیغی حادثهلرده، 4و آغیر 115 نفرآدام دا یارالاندی. سون اینکیشافلارلا بیرلیکده، بولیویدا 500-دن چوخ آدامین یارالاندیغی شدت دالغاسیندا اؤلنلرین ساییسیس 18ه یوکسلمیش اولدو.
بولیویده 20 اوکتوبردا تشکیل ائدیلن پرزیدنت سئچیملرینین آردیندان موخالیفت سئچیملرده حیله ائدیلدیگینی ادعا ائتمیش و طرفلر قارشیلیقلی اولاراق دستکچیلرینی کوچه گؤستریلرینه چاغیرمیشدی.
موباحیثهلی سئچیم نتیجهلرینین آردیندان سئچیملرین لغو ائدیلمهسینی و تکرار سئچیمیه گئدیلمهسینی ایستهین موخالیفلر، ائوو مورالسین تکرار سئچیم ائدیلهجگی اعلانینین آردیندان، مورالسین قاتیلمادیغی سئچیملر دوزنلننه قدر اعتراضلارین داوام ائدجگینی آچیقلامیشدی.
مورالس، بولیوی باش قرارگاه باشقانی ویلیامز کالیمانین ایستعفا چاغیریشی اوزرینه وظیفهسی بوراخمیش، پروسهنی کودتا اولاراق خاراکتریزه ائدن و اعتراض گؤسترن مکزیکین ایلتیجا تکلیفینی قبول ائتمهسیندن سونرا بو اؤلکهیه گئتمیشدی.
آنز، مورالسین لیدرلیگینی ائتدیگی پارتی سوسیالیزم حرکتی (MAS) منسوبلارینین قاتیلماماسی سببیله اکثریتین تامین ائدیله ایجلاسدا، اؤلکهنین موقتی دولت باشقانی اعلان ائدیلمیشدی
ایلگیلیلی خبرلر
جوزپ بورل فیلیسطین دؤولتینی تانییاجاق اؤلکهلری آچیقلادی
جوزپ بورل ایسپانیا، مالتا، ایرلاندیا و اسلوونیا-نین فیلیسطین دؤولتینی تانییاجاغینی بیلدیریب.