بولیوی‌ده دولت باشقانی‌نین ایکینجی توردا سئچیلمه‌سی گؤزلنیلیر

بولیوی‌دکی پرزیدنتلیک سئچیمنین ایلکین نتیجه‌لری، اؤلکه 2020-2025-جی ایللرده ایداره ائده‌جک دولت باشقانی‌نین ایکینجی تور سئچیم‌لرینده معین ائدجگینی گؤستریر.

بولیوی سئچیم محکمه‌سی‌نین (TEB) یوزده 83و آچیلان صاندیق‌لاردان یایینلادیغی ایل نتیجه‌لره گؤره، دولت باشقانی ائوو مورالس لیدرلیگینی ائتدیگی سوسیالیزم حرکتی پارتیسی (MAS-IPSP) سس‌لرین یوزده 45.28ینی آلارکن، ان یاخین رقیبی کارلوس مسانین رهبرلیگین‌دکی باریشین اینقیلابی جبهه‌سی پارتیسی‌نین (FRI) سس نیسبتی 38.16% اولوب.

مسانی، جنوبی کوره دوغوملو ائوانژ‌لیک کشیش چی هیون چون‌گون باشقانی اولدوغو خریستیان دموکرات پارتی یوزده 8.77 سس نیسبتی ایله تعقیب ائدرکن، اوسکار اورتیزین رهبرلیگین‌دکی بولیوی یوخ دئییر کوالیسیونو ایسه یوزده 4.41 سس آلیب. پرزیدنت‌لیک اوچون یاریشان دیگر 3 نامیزدین سس نیسبت‌لری‌نین جمعی ایسه یوزده 3.37 اولوب.

بو آرادا، هله آچیلمایان صاندیق‌لارین اساساً کند یئرلرینده اولدوغو معلوماتی پایلاشدیریلیب.

سئچیم‌لر بو شکیلده نتیجه‌لنرسه بولیوی 2020 ایله 2025 ایللری آراسیندا ایداره ائده‌جک دولت باشقانی، 15 دسامبردا کئچیریلمه‌سی پلان‌لاش‌دیریلان ایکینجی تور سئچیم‌لری معین‌لش‌دیره‌جک.

7  میلیون‌دان چوخ سئچیجی‌نین اولدوغو بولیویده قانون‌لارا گؤره، بیر نامیزدین دولت باشقانی اولماسی اوچون اعتبارلی سس‌لرین یوزده 50سینی آلماسی و یا یوزده 40 سس توپلایا‌راق ان یاخین رقیبینه یوزده 10 فرق آتماسی لازیم‌دیر. بو نتیجه‌لرین چیخماماسی وضعیتینده سئچیم‌لر ان یوکسک سس توپلایان ایکی نامیزدین یاریشاجاغی ایکینجی تورا قالیر.