قاتار ریلدن چیخدی
فاجعهده ان آز ۵۰ نفر یاشامینی ایتیردی
کونگو دموکراتیک جمهوریتینین گونئی دوغوسونداکی تانگانیکا گؤلو یاخینلیغیندا میدانا گلن قاتار قضاسیندا ان آز ۵۰ نفر یاشامینی ایتیردی.
اینسانی ایشلر باخانی ایستیو مبیکایی، سوسیال مئدیا حسابیندان وئردیگی آچیقلامادا، تانگانیکا ایالتینده مایباریدی شهری یاخینلیغیندا بیر قاتارین یئرلی ساعاتلا گئجه ۰۳.۰۰ سیرالاریندا ریلدن چیخاراق دئوریلدیگینی بیلدیردی.
ایلک بیلگیلره گؤره، قضادا ان آز ۵۰ نفرین حیاتینی ایتیردیگینی، چوخ ساییدا انسانین یارالاندیغینی ایفاده ائدن باخان مبیکایی، قضادا اؤلنلرین عائلهلرینه باش ساغلیغی و یارالیلارا ساغلیق دیلهدی.
اؤلکهده مارس آییندا بیر آی ایچریسینده ۳ یوک قاتاری قضاسی میدانا گلمیشدی.
کونگو دموکراتیک جمهوریتینده، اسکیمیش ریللر و قاتارلارین ایستیفاده ائدیلدیگی دمیر یولو نقلیاتینداکی قضالار جدی جان ایتکیلرینه یول آچیر.
ایلگیلیلی خبرلر
آنتونی بلینکن چین-لی همکاری وانگ یی ایله گؤروشوب
امریکانین خاریجی ایشلر ناظیری آنتونی بلینکن چینه رسمی سفری چرچیوهسینده همکاری وانگ یی ایله گؤروشوب.