بمت امریکانین قاداغان ائدیلمیش راکت سیناق‌لاری مسئله‌سی موذاکیره ائدیلدی
بیرلشمیش میللت‌لر تشکیلاتی‌نین تهلوکه‌سیزلیک شوراسیندا روسیا و چین-ین طلبی ایله امریکانین قاداغان ائدیلمیش راکت سیناق‌لاری مسئله‌سی موذاکیره ائدیلدی.
بیرلشمیش میللت‌لر تشکیلاتی‌نین تهلوکه‌سیزلیک شوراسیندا روسیا و چین-ین طلبی ایله امریکانین قاداغان ائدیلمیش راکت سیناق‌لاری مسئله‌سی موذاکیره ائدیلدی.
روسیانین بمت-دکی دایمی نماینده‌سی‌نین معاوینی دمیتری پولیانسکی امریکانین اورتا منزیل‌لی اتم قوه‌لری سازیشینی (INF) بیرطرف‌لی قایدادا لغو ائتمه‌سینی تنقید ائده‌رک: "امریکا سلاح یاریشینا حاضردیر" دئدی.
پولیانسکی ایستراتژی ثابت‌لیک و تهلوکه‌سیزلیگی تامین ائتمک اوچون امریکا ایله ایستنیلن جدی دیالوقا حاضر اولدوق‌لارینی سؤیله‌دی.
چین-ین بمت-دکی دایمی نماینده‌سی زانگ یون چین-ین ده داخیل اولاجاغی یئنی بیر سازیشی موذاکیره ائتمک ایسته‌دیک‌لرینی سؤیله‌ین امریکا پرزیدنتی دونالد ترامپا جاواب اولا‌راق امریکانین چین-ین بهانه‌سی ایله سازیشی‌دن چیخماسی‌نین قبول ائدیلمز اولدوغونو بیلدیردی.
امریکانین دایمی نماینده‌سی‌نین معاوینی جاناتان کوهن ده روسیانی 10 ایل عرضینده INF عهده لیک لرینی پوزماقدا گوناهلاندیردی و امریکانین روسیانی سازیشین شرط‌لرینی پوزماق‌دان واز کئچیرمک اوچون 6 ایللیک سعی‌لریندن سونرا INF سازیشین‌دن چیخماق باره‌سینده قرار قبول ائتدیگینی سؤیله‌دی.
سازیشین شرط‌لرینی پوزان روسیانین آوروپانی وورا بیله‌جک ''9M729'' راکت سیستمینی یاراتدیغینی قئید ائدن کوهن: "روسیا و چین سلاح‌لارینی تکمیللشدیردیک‌لری حالدا امریکانین تمکین‌لی اولماسینی گؤزلییرلر دئدی.
کوهن امریکانین اورتا منزیل‌لی راکت سیناق‌لاری‌نین INF سازیشی‌نین عهده لیک لرینی پوزمادیغینی وورغولادی، اؤلکه‌سی‌نین روسیا و چین ده داخیل اولماقلا، یئنی بیر سازیشله باغلی دانیشیق‌لار آپارماغا حاضر اولدوغونو سؤیله‌دی.
قئید ائدک کی، امریکانین روسیانین INF شرط‌لرینی پوزدوغونو ادعا ائده‌رک سازیشی بیرطرف‌لی قایدادا لغو ائدیب. روسیا خاریجی ایشلر ناظیرلیگی ایسه بو آیین اولینده اورتا منزیل‌لی اتم قوه‌لری سازیشی‌نین رسمی اولا‌راق باشا چاتدیغینی آچیقلاییب.
بونون آردینجا امریکا آوقوستون 19-دا تأثیر مسافه‌سی 500 کیلومتردن چوخ اولان یئنی بیر اورتا منزیل‌لی راکتی سیناق‌دان کئچیردیک‌لرینی آچیقلاییب.
ایلگیلی‌لی خبرلر
جوزپ بورل فیلیسطین دؤولتینی تانییا‌جاق اؤلکه‌لری آچیقلادی
جوزپ بورل ایسپانیا، مالتا، ایرلاندیا و اسلوونیا-نین فیلیسطین دؤولتینی تانییاجاغینی بیلدیریب.
