تورکیه‌ده خاریجی‌لره ویزا مدتی 10 ایله چیخاریلیب

خاریجی‌لره ویزا مدتی 10 ایله چیخاریلیب

خاریجیلر و اولوسلار آراسی قوروما قانونونون تطبیق ائدیلمه‌سی حاقیندا اساسنامه ماده‌سی دییش‌دیریله‌رک تورکیه‌یه گله‌جک اجنبی‌لره وطنداشی اولدوق‌لاری و یا قانونی اولا‌راق اولدوق‌لاری اؤلکه‌لردکی تورک کونسوللوقلاریندان‌ وئریلن ویزا مدت‌لری 5 ایلدن 10 ایله چیخاریلیب.

اجنبی‌لر و اولوسلار آراسی قوروما قانونونون تطبیقی حاقیندا اساسنامه‌ده دییشیک‌لیک ائدیلمه‌سینه دایر اساسنامه، رسمی قزئتین بوگونکو ساییندا یایینلانا‌راق ایجرایه مینیب.

اساسنامه‌نین، "ویزا ضروری‌لیگی و اساسلارینی دوزنلمه‌ین بؤلومون ائدیلن دییشیک‌لیکله تورکیه‌یه گله‌جک اجنبی‌لره، وطنداشی اولدوق‌لاری و یا قانونی اولا‌راق اولدوق‌لاری اؤلکه‌لردکی تورک کونسوللوقلاریندان‌ وئریلن ویزا مدت‌لری، 10-جی ایل اولا‌راق دییشدیریلیب.

اوّلکی اساسنامه‌ده همین مدت 5 ایل اولا‌راق یئر آلیردی.

بو آرادا، وئریلیش تاریخین‌دن اعتباراً 6 آی عرضینده ایستیفاده اولونمایان ویزا‌لار گئچرلیلیغینی ایتیره‌جک.