آوروپا بیرلیگیندن آمریکایا تیجارته وئرگی قارشیلیغی اویاریسی
آوروپا بیرلیگی، آمریکانین علاوه گؤمروک وئرگی‌سی تطبیق ائتمه‌سی حالیندا 35 میلیارد یورولوق تیجارته وئرگی قارشیلیغی تدبیرلری گؤروله‌جگینی بیلدیردی
آوروپا بیرلیگی، آمریکانین آوروپا اؤلکه‌لرین‌دن ایدخال ائدیلن اوتوموبیل‌لره علاوه گؤمروک وئرگی‌سی تطبیق ائتمه‌سی حالیندا 35 میلیارد یورولوق تیجارته وئرگی قارشیلیغی تدبیرلری گؤروله‌جگینی بیلدیردی.
آوروپا بیرلیگی کومیسیونونون تیجارت‌دن مسئول عضوو سیسی‌لیا مالمسترؤم، آوروپا پارلامنتی بین الخالق تیجارت کومیته‌سینده بیانات‌لار وئردی.
تک طرف‌لی تیجارت سیاست‌لرین‌دن چکینمک لازیم گلدیگینی آنلاتانمالمسترؤم، آوروپا بیرلیگینین آچیق، تام، شفاف و دگرلره اساس‌لانان تیجارت‌دن طرفدار اولدوغونو بیلدیریب.
آمریکانین آوروپا‌دان ایدخال ائدیلن اوتوموبیل‌لره علاوه گؤمروک وئرگی‌سی تطبیق ائتمه‌سی حالیندا آوروپا بیرلیگی-نین بونا قارشی‌لیق وئرجگینه ایشاره ائدن مالمسترؤم، بو ساحه‌ده کووتا و یا ایخراجات محدودیت‌لرینی قبول ائتمه‌یه‌جک‌لرینی وورغولاییب.
مالمسترؤم، آمریکانین اوتوموبیل و یدک پارچالارا علاوه وئرگی تطبیق ائتمک قراری آلماسی حالیندا آوروپا بیرلیگینین 35 میلیارد یورولوق وئرگی قارشیلیغی لیسته‌سینی ایجرایه قویاجاغینی سؤیله‌دی.
