ژاپونیادا آبه شینزو-نون حاکمیت کوالیسیونو قازاندی

ژاپونیادا پارلامنتین (Diet) اوست قانادی سناتونون 245 عضوون‌دن 124نون معین ائتدیگی سئچیم‌لرین غالیبی باش ناظیر آبه شینزو-نون رهبرلیگین‌دکی حاکمیت کوالیسیونو اولدو.

ژاپونیا دولت تلویزیو NHKنین وئردیگی ایلک نتیجه‌لره گؤره، باشباخان آبه شینزونون لیبرال دموکرات پارتیسی (LDP) و بیرگه کومئی، پارلامنتین اوست قانادی اوچون کئچیریلن سئچیم‌لرده چوخ‌لوغو الده ائده‌رک 124 صندل‌دن 64ونو قازاندی.

باش ناظیر آبه، سئچیم نتیجه‌لرینی ممنونیتله قارشیلادیغینی بیل‌دیره‌رک، خالقین سیاسی ثابت‌لیگی سئچدیگینه ایناندیغینی ایفاده ائدیب.

خالقین، اؤلکه‌نین ماراق‌لارینی قوروماق اوچون سیاستچی‌لری دیپلوماسی آپارماغا تشویق ائتدیگینی قئید ائدن آبه، "اینسان‌لارین بیزی، سیاست‌لریمیزی داوام ائتدیرمه‌یه تشویق ائتدیگینه اینانیرام". شکلینده دانیشدی.

قطعی نتیجه‌لرین بیر هفته عرضینده معلوم اولاجاغی گؤزلنیلیر.

ایچ ایشلر و ایرتیباطات ناظیرلیگی‌نین معلومات‌لارینا گؤره، سئچیمده قاتیم نیسبتی یوزده 16 اولا‌راق رئال‌لاشدی. عمومی‌لیکده 17 میلیون 62 مین 771 نفر سس وئردی.

2012ده وظیفه‌یه گلن ناظیر آبه، بیر داها نامیزد اولمایاجاغینی ایفاده ائدرکن، 2021دکی پارلامنت سئچیم‌لرین‌دن اوّل اوزون مدت‌دیر ائتمک ایستدیگی آنایاسا رئویزیونو اوچون یئترلی سایدا صندله صاحب اولماغی اومید ائدیر.

کناردان بیر پارتینین دستکلمه‌سی حالیندا موجود کوالیسیون آنایاسا رئویزیونو اوچون لازیم اولان اوچده ایکی چوخلوغا نایل اولابیلیر.

آبه‌نین رهبرلیگین‌دکی لیبرال دموکرات پارتی، 2012دن بو یانا کئچیریلن 5 پارلامنت سئچیم‌نین غالیبی اولدو.

باش ناظیری تعیین ائدن نماینده‌لر مجلیسینه گؤره داها گوج‌سوز اولان سناتونون عضو‌لری‌نین بیر قیسمی هر اوچ ایلده بیر یئنی‌لنیر.

ژاپونیا پارلامنتینی تشکیل ائدن سناتو و نماینده‌لر مجلیسی‌نین عضو‌لری خالق طرفین‌دن سئچیلیر و 6 ایل وظیفه گؤرور.