آمریکا نمایندهلر مجلیسیندن سعودی عربیستانی هدف آلان ایکی لاییحه
لاییحهده، آمریکا میللی کشفیات دیرکتورلوغونون سؤز قونوسو جینایتین گوناهکارلارینا دولته آچیق شکیلده ایفشاء ائتمسی و بو شخصلره ویزا یاساغی اویغولانماسی طلب ائدیلیر
آمریکا نمایندهلر مجلیسیندن سعودی عربیستانی هدف آلان ایکی لاییحه
آمریکا نمایندهلر مجلیسی، سعودی ژورنالیست جمال قاشیقچی جینایتینین گوناهکارلارینین آشکارا چیخاریلماسینین طلب ائدیلدیگی و بوندان باشقا سعودی عربیستانین اینسان حاقلاری پوزونتولارینین پیسلندیگی ایکی لاییحهیه ایمضا آتدی.
نمایندهلر مجلیسی عمومی قورولوندا کئچیریلن ایکی آیری سس وئرمهده وکیللر، سعودی حاکمیتینی هدف آلدی.
عینی زاماندا واشینگتون پوست قزئتینین مؤلفی اولان سعودی ژورنالیست جمال قاشیقچی-نین قتله یئتیریلمهسینده مسئولیتی اولان و یا اؤلوم امرینی وئرنلرین آشکارا چیخاریلماسینی طلب ائدن قانون لاییحهسی 7 "خیر" سسینه قارشی 405 "بلی" سسی ایله قبول ائدیلیب.
لاییحهده، آمریکا میللی کشفیات دیرکتورلوغونون سؤز قونوسو جینایتین گوناهکارلارینا دولته آچیق شکیلده ایفشاء ائتمسی و بو شخصلره ویزا یاساغی اویغولانماسی طلب ائدیلیر.
سؤز قونوسو لاییحهنین جمهوریتچیلرین اکثریتده اولدوغو سناتودا دا قبول ائدیلمهسینین ایسه آغیر اولدوغو بیلدیریلیر.
دیگر طرفدن نمایندهلر مجلیسی، آیری بیر سس وئرمه ایله سعودی عربیستانینین بعضی قادین آکتیویستلری حبس ائتمهسینی قینایان قطنامه لاییحهسینی قبول ائدیب.
آمریکا کونگرهسی داها اوّل قاشیقچی جینایتیندن سعودی ولیعهد شاهزاده محمد بن سلمانین مسئول اولوب اولمادیغینین آچیق شکیلده اورتایا قویولماسینی طلب ائدن بیر لاییحهنی آمریکا پرزیدنتی دونالد ترامپین ماساسینا گؤندرمیش، آنجاق ترامپ قانونی اولاراق جواب وئرمهسی لازیم اولان 120 گونلوک مدتده کونگره بو موضوعدا بیر بیلدیریم ائتممیشدی.
دیگر طرفدن، آمریکا سناتوسو، قاشیقچی جینایتیندن شاهزاده سلمان مسئول اولدوغونو قبول ائدن بیر قرار لاییحهسینی قبول ائتمیش، بونونلا دا همین جینایتدن دولایی سلمانی آچیق شکیلده گوناهلاندیرمیشدی.
ترامپ آیریجا آمریکانین یمنده داوام ائدن ساواشدا سعودی عربیستانینا وئردیگی نیظامی دستگی دایاندیرماسینی نظرده توتان بیر قانون لاییحهسینی آوریل آییندا وتو ائتمیشدی.
ایلگیلیلی خبرلر
جوزپ بورل فیلیسطین دؤولتینی تانییاجاق اؤلکهلری آچیقلادی
جوزپ بورل ایسپانیا، مالتا، ایرلاندیا و اسلوونیا-نین فیلیسطین دؤولتینی تانییاجاغینی بیلدیریب.