آمریکا و لهستان‌دا گاز پارتلاییش اولوب

لهستان‌ین جنوبون‌داکی بیتوم شهرینده بیر بینادا گازین سبب اولدوغو پارتلاییش نتیجه‌سینده 3 نفر اؤلدو، 1ی آغیر 4 نفر ده یارالانیب.

لهستان رادیوسونون وئردیگی خبره گؤره، بینادا باش وئرن پارتلاییشدا 39 یاشیندا بیر قادین و 4-5 یاش‌لاریندا ایکی اوشاق حیاتینی ایتیردی.

یارا‌لانان 4 نفر ده خسته‌خانا‌لارا سؤوق ائدیلیب.

حادثه یئرینده آراشدیرما‌لاردا اولان باش ناظیر ماتئوسز موراویسکی، ائتدیگی آچیقلامادا، گاز پارتلاماسی نتیجه‌سینده آنا و ایکی اوشاغی‌نین حیاتینی ایتیرمه‌سین‌دن دویدوغو درین ناراحاتلیغی دیله گتیردی.

دیگر یان‌دان، آمریکا‌نین فلوریدا ایاتینده بیر آلیش-وئریش مرکزینده گاز سیزماسی سببیله میدانا گلن پارتلاییش نتیجه‌سینده ان آز 20 نفر یارالاندی.

یئرلی مطبوعاتدا یئر آلان خبرلره گؤره، فلوریدانین جنوبون‌داکی پلانتاتیون شهرینده بیر آلیش-وئریش مرکزینده گاز سیزماسی سببین‌دن پارتلاییش باش وئردی.

بیر پیتزا رستورانیندا میدانا گلن پارتلاییش نتیجه‌سینده ایکی‌سی آغیر، ان آزی 20 نفر یارالانیب.

پارتلاییش سببیله دیگر ایش یئرلری ده زیان گؤردو.

آلیش-وئریش مرکزی‌نین اولدوغو جاده ترافیکه باغلانیلدی.