بوئینگدن، حادیثه قوربان‌لاری‌نین یاخینلارینا یاردیم
آمریکا اوچاق اوره‌تیجیسی بوئینگ، ایندونزی و اتیوپی‌ده باش وئرن 737Max حادیثه‌لری قوربان‌لاری‌نین عائله‌لرینه و یاخینلارینا 100 میلیون دولارلیک یاردیم ائده‌جک
آمریکا اوچاق اوره‌تیجیسی بوئینگ، ایندونزی و اتیوپی‌ده باش وئرن 737Max حادیثه‌لری قوربان‌لاری‌نین عائله‌لرینه و یاخینلارینا 100 میلیون دولارلیک یاردیم ائده‌جک.
شیرکت‌دن بیلدیریب‌لر کی، بیر نئچه ایللیک پروسه‌ده کئچیریله‌جک بو یاردیم‌لارا شیرکت امکداش‌لاری‌نین دا قاتقی وئرجگی وورغولانیب.
سؤز قونوسو یاردیم‌لارین چاتدیریلماسی اوچون یئرلی حکومت و غیری-حکومت تشکیلات‌لاری ایله ده چالیشاجاغینا ایشاره ائدیلن آچیقلامادا، پولون قوربان‌لارین عائله‌لری‌نین تحصیلی، گونده‌لیک خرج‌لری و حادیثه‌دن اذیت چکن‌لرین ایقتیصادی گلیشمه اوچون ایستیفاده ائدیله‌جگی قئید ائدیلیب.
بون‌دان باشقا آچیقلامادا، 100 میلیون دو‌لارین، شیرکته شکایت ائدن عائله و شخص‌لره اؤدنیله‌جک تضمینات‌لارین باشقا اولدوغونون دا آلتی جیزیلدی.
آچیقلامادا فیکیرلرینه یئر وئریلن بوئینگ اوست رهبری (CEO) دئنیس مویلنبورگ، شیرکتین وئرن جان ایتکی‌لرینه گؤره درین کدر ایچینده اولدوغونو بیلدیریب،
حادیثه‌لرده اؤلنلرین عائله‌لری و یاخینلارینا ان درین کدرینی بیل‌دیریریک، آچیلان بو فوندلا بو آدام‌لارا بیر آز راحت‌لیق تامین ائتمگی اومید ائدیریک". ایفاده‌لرینی ایستیفاده ائتدی.
ایندونزی‌ده لیون هاوا یول‌لارینا عایید بوئینگ 737 Max تیپی اوچاق، 29 اوکتوبر 2018ده، جاکارتا‌دان سوماترا آداسین‌داکی پانگکال پینانگ شهرینه گئتمک اوچون هاوایا قالخدیق‌دان آز سونرا دنیزه وورولموشدو. 189 نفرین اؤلدوغو حادیثه، بو تیپ اوچاق‌لارین ایلک حادیثه‌سی کیمی تاریخه دوشموشدو.
اتیوپی هاوا یول‌لارینا عایید بوئینگ 737 Max تیپ‌لی یولجو اوچاغی دا، 10 مارس‌دا آددیس آبابا‌دان کئنیانین باشکندی نایروبی‌یه گئتمک اوچون هاوایا قالخدیق‌دان قیسا مدت سونرا دوشموش، اوچاق‌دکی 157 نفر حیاتینی ایتیرمیشدی.
اتیوپیدکی حادیثه‌نین آردین‌دان تورکیه، چین، اتیوپی، اینگیلتره، آلمانیا، فرانسا، هولند، اوسترالیانین دا آرا‌لاریندا اولدوغو بیر چوخ اؤلکه " 737 Max " تیپ‌لی اوچاق‌لارین عملیات‌لارینی موقتی اولا‌راق دایاندیرمیش و هاوا مکان‌لارینی بو اوچوش‌لارا باغلامیشدی.
هر ایکی حادیثه‌ده ده 737 Max تیپ‌لی اوچاق‌لاردا، سالدیری بوجاغی سنسورلاری آراسیندا اینفورماسیون اویغون‌سوزلوغونون "مانور کاراکتریستگی تقویه سیستمی" (MCAS) آدی وئریلن نظارت سیستمی‌نین اوتوماتیک ایشه سالماسی‌نین تأثیرلی اولدوغو بیلدیریلمیشدی.
ایلگیلی‌لی خبرلر
جوزپ بورل فیلیسطین دؤولتینی تانییا‌جاق اؤلکه‌لری آچیقلادی
جوزپ بورل ایسپانیا، مالتا، ایرلاندیا و اسلوونیا-نین فیلیسطین دؤولتینی تانییاجاغینی بیلدیریب.
