ایتالیان دیوید ساسولی آوروپا پارلامئنتی‌نین یئنی صدری سئچیلیب

"سوسیال دموکرات‌لار" پارتی سیندن نامیزد ایتالیان دیوید ماریا ساسولی آوروپا پارلامئنتینه صدر سئچکی‌لرینده غالیب گلیب.

سس وئرمه‌نین ایکینجی تورونون نتیجه‌لرینه اساساً، دیوید ساسولی 345 سس توپلاییب. غلبه اوچون میللت وکیل لردن  343-نون سسی لازیم گلیردی.

او، بو وظیفه‌ده یاخین 2.5 ایل عرضینده اولا‌جاق.

فلورانس-دان اولان 63 یاش‌لی سابیق ژورنالیست ساسولی 2009-جو ایلدن آوروپا پارلامئنتی‌نین میللت وکیلی دیر.

خاطیرلاداق کی، سس وئرمه‌نین بو گون سحر ساعات‌لاریندا کئچیریلن ایلک راوندوندا دؤرد نامیزدین هئچ بیری لازیمی میقداردا سس ییغا بیلمه میشدی.