توسک - توتین لیبرالیزم موباحیثه سی
ژاپونیانین اوساکا شهرینده تشکیل اولونان G20 لیدرلر ذیروه سی عرفه سینده لیبرالیزم ایدئیاسی ایله باغلی موباحیثه اولدو.
ژاپونیانین اوساکا شهرینده تشکیل اولونان G20 لیدرلر ذیروه سی عرفه سینده لیبرالیزم ایدئیاسی ایله باغلی موباحیثه اولدو.
آوروپا شوراسینین صدری دونالد توسک روسیا پرزیدنتی ولادیمیر پوتینین ذیروه عرفهسینده بؤیوک بریتانیا قزئتی "فایننشال تایمز"ا وئردیگی موصاحیبهده "لیبرالیزمین حؤکمو بیتدی" شرحینی تنقید ائتدی.
آوروپالیلارین لیبرال دموکراسینی سونا قدر مودافعه و تشویق ائتمهسینین واجیبلیگینی وورغولایان توسک: "کیم لیبرالیزمین حؤکمونون بیتدیگینی ادعا ائدیرسه، اصلینده، آزادلیقلارین، قانونون عالیلیگینین و اینسان حقوقلارینین حؤکمونون بیتدیگینی سؤیلییر" دئیه بیلدیردی.
توسک پوتینین لیبرالیزمین حؤکمونون قالماماسی بارهسیندکی فیکرینین بیر معنا کسب ائتمهدیگینی ایفاده ائدهرک: "منجه اصل حؤکمسوز اولان اوتوریترلیق، اینسان کولتلاری و اولیقارخلارین حاکمیتیدیر. بونلار هر نه قدر بعضا تأثیرلی کیمی گؤرونسه ده... بیز آوروپالیلار لیبرال دموکراسینی سونا قدر قطعیت ایله مودافعه ائتمک و تشویق ائتمک اوچون بوراداییق" دئدی.
قئید ائدک کی، روسیا پرزیدنتی ولادیمیر پوتین " فایننشال تایمز " قزئتینده بو گون درج اولونان موصاحیبهسینده: "لیبرالیزم ایدئیاسینین آرتیق حؤکمو قالمادی، اهالینین بؤیوک حیسهسینین منافعلری ایله توققوشور" دئیه بیلدیرمیشدی.
هر ایکی لیدر ده G20 لیدرلر ذیروه سی اوچون ژاپونیانین اوساکا شهریندهدیر.