آلمانیادا وطنداش‌لیق حاقیندا یئنی قانون قبول ائدیلدی
آلمانیادا وطنداشلیغا دایر یئنی قانون لاییحه‌سی فدرال مجلیسده (بوندستاگ) کئچیریلن سسوئرمه‌ده قبول ائدیلدی.
آلمانیادا وطنداشلیغا دایر یئنی قانون لاییحه‌سی فدرال مجلیسده (بوندستاگ) کئچیریلن سسوئرمه‌ده قبول ائدیلدی.
قانون لاییحه سی حاکمیت اورتاق لاری اولان خریستیان دموکرات بیرلیک پارتیسی (CDU)، خریستیان سوسیال بیرلیک پارتیسی (CSU) و سوسیال دموکرات پارتیسیندن (SPD) اولان میللت وکیل لری سس‌لری ایله قبول ائدیلدی.
موخالیفت قانون لاییحه سینین علیهینه سس وئردی.
قانون لاییحه سینه گؤره، هر هانسی بیر ترور تشکیلاتینا عضو اولان‌لار، و یا آلمانیا خاریجینده هر هانسی بیر ترور تشکیلاتی اوچون موباریزه آپاران‌لار باشقا وطنداش‌لیق‌لاری‌نین اولماسی حالیندا وطنداش‌لیق‌دان چیخاریلا‌جاق‌لار.
چوخ آروادلی اولان‌لارا و آلمان یاشاییش مدنیتینی منیمسه‌مه‌ین‌لره ده وطنداش‌لیق وئریلمه‌یه‌جک.
مجلیسه تقدیم اولونان دییشیک‌لیک ماده‌سی ایله وطنداش‌لیق باره‌سینده قانون ترورلا موباریزه، چوخ آروادلی‌لیق و شخصیت حیله‌لرینه قارشی جدی رئویزه ائدیلیر.
آلمان وطنداش‌لیغینا کئچرکن یانلیش بیان و سند وئرن شخص‌لره عایید 5 ایل اولان گئرییه دوغرو عملیات مودتی 10 ایله چیخاریلیر.
لاکین قانون لاییحه‌سینه علاوه اولونان "آلمان یاشاییش مدنیتینی منیمسه‌مه" ایفاده‌سی تنقید اولوندو.
قانون لاییحه‌سی‌نین علیهینه چیخیش ائدن سول پارتی دن اولان میللت وکیلی اوللا ژلپکه بو یازی‌نین آرخاسیندا حکومتین "آپاریجی مدنیت پرینسیپی"نی تطبیق ائتمک ایستیی‌نین دوردوغونو سؤیله‌دی، بو ایفاده‌نین لاییحه‌نین حقوقی اساس‌لاردان محروم ائتدیگینی بیلدیردی.
یاشیل‌لار پارتی سیندن اولان فیلیز پولاد ایسه یئنی قانونون آلمانیانین کوچ سیاستینه ضرر وئردیگینی قئید ائتدی و بو قانونلا آلمانیانین بو مسئله‌ده 80-جی ایللره گئری دؤنه جگی باره‌ده خبردارلیق ائتدی
قانون لاییحه‌سی تطبیق اولونماسی اوچون فدرال ایالت نماینده‌لر مجلیسینده ده تصدیق اولونما‌لی‌دیر.
ایلگیلی‌لی خبرلر
جوزپ بورل فیلیسطین دؤولتینی تانییا‌جاق اؤلکه‌لری آچیقلادی
جوزپ بورل ایسپانیا، مالتا، ایرلاندیا و اسلوونیا-نین فیلیسطین دؤولتینی تانییاجاغینی بیلدیریب.
