مورسی‌نین عائله‌سی اردوغانا تشککور ائتدی

میصردا محکمه سالونوندا حیاتینی ایتیرن اؤلکه‌نین ایلک دموکراتیک یوللا سئچیلمیش پرزیدنتی محمد مورسی‌نین عائله‌سی باشدا جمهور باشقانی رجب طیب اردوغان اولماقلا اؤزلرینی یالنیز قویمایان هر کسه تشککور ائتدی.

"الجزیره " تلویزیونونا موصاحیبه وئرن محمد مورسی‌نین اوغلو عبدالله مورسی میصر رسمی‌لری‌نین آتاسی اوچون جنازه مراسیمی کئچیرمه‌سینه ایجازه وئرمه‌دیگینی، آنجاق القصی مسجیدینده اونون اوچون غیابی جنازه نامازی قیلیندیغینی بیلدیردی.

آتاسی اوچون بوتون دونیادا میلیون‌لارلا اینسانین غیابی جنازه نامازی قیلدیغینا ایشاره ائدن عبدالله " تاریخده بئله بیر حادثه‌یه شاهیدلیک ائدیلمه‌دی. داها اول میلیون‌لارلا اینسان هئچ کس چیخیب غیابی جنازه نامازی قیلمادی" دئدی.

عبدالله "هر کسه خصوصیله ده حؤرمت‌لی اردوغانا، قطر امیری شیخ تمیم بن حمد بن خلیفه آل ثانی ایله آتاسینا، مالزی حکومتینه و تونس-ین سابیق پرزیدنتی منصف المرزوقی‌یه تشککور ائدیریک" دئیه بیلدیردی.

قئید ائدک کی، میصرده حربی چئوریلیشله حاکمیت‌دن اوزاق‌لاش‌دیریلان 67 یاشینداکی محمد مورسی "جاسوسولوق" اتهامی ایله موحاکیمه اولوندوغو محکمه سالونوندا دونیاسینی دییشیب.