آمریکادا پاتریک شاناهان‌ین دارتیشماسی دوام ائدیر
آمریکا باشقانی دونالد ترامپپن، هله ده ساوونما ناظیرلیگی وظیفه‌سینی وکالتن ایجرا ائدن پاتریک شاناهان‌ین یئرینه باشقا بیر آدی نامیزد گؤسترمک ایستدیگی ادعا ائدیلدی
آمریکا باشقانی دونالد ترامپپن، هله ده ساوونما ناظیرلیگی وظیفه‌سینی وکالتن ایجرا ائدن پاتریک شاناهان‌ین یئرینه باشقا بیر آدی نامیزد گؤسترمک ایستدیگی ادعا ائدیلدی.
آمریکان ان.بی.سی نیوز تلویزیونونو، آوروپا سیاحتی اثناسیندا ترامپپن ان آز اوچ مسئولا ساوونما ناظرلیگی اوچون باشقا بیر شخصیت آدی دوشونوب دوشونمه‌دیک‌لرینی سوروشدوغونو ادعا ائدیب.
خبره گؤره، موضویلا علاقه‌دار معلومات صاحبی اولان و آدلاری‌نین آچیقلانماسینی ایستمه‌ین بعضی اوست سویه مسئوللار، دونالد ترامپپن، شاناهان یئرینه ساوونما ناظرلیگی اوچون قارا گوجلری عمومی سکرتری مارک اسپری نامیزد گؤسترمه نیتینده اولدوغونو ایره‌لی سوردو.
ادعا‌لارا جواب وئرن ترامپ ایسه شاناهان‌ین نامیزدلیگی موضوعسوندا لازیم‌لی آددیمی آتدیغینی ساووناراق، "او ایش تامام. من (شاناهان‌ین) نامیزدلیگینی سناتویا هفته‌لر اوّل گؤندردیم. بو آندا پروسودورون ایشلمه‌سی لازیم ایدی." ایفاده‌سینی ایستیفاده ائتدی.
آنجاق ترامپپین بو آچیقلاماسینین درحال آردین‌دان آمریکان مئدیاسی، سناتو قایناق‌لارینا سؤیکنیلن خبرلرده، آغ ائوین هله شاناهان‌ین نامیزدلیک مراجعتینی سناتویا چاتدیرمادیغی ادعاسینی یازدی.
دیگر طرف‌دن فدرال سوروشدورما بوروسونون(اف.بی.آی)، ناظیرلیکده باخان وکیل‌لیگی و مصلحتچی‌لیک وظیفه‌لرینده ده اولان شاناهان‌ین گیریش صلاحیتیله علاقه‌دار نظردن کئچیرمه مدتینی هله تاماملامادیغی اورتایا چیخدی.
آمریکان مئدیاسینا عکس اولونان خبرلرده ترامپپین، شاناهان‌ین تلویزیون و آچیق ایجلاس‌لاردا کیفایت قدر گوج‌لو دایانمادیغی و توپلوما آچیق اورتاملارداکی پرفورمانسین‌دان ممنون اولمادیغی ادعا ائدیلیر.
آغ ائو، شاناهان‌ین ساوونما ناظیرلیگینه نامیزد گؤستریلدیگینی آچیقلامیش و آغ ائو مسئوللاری شاناهان‌ین نامیزدلیگی‌نین رسمی مراجعتی‌نین 18 می‌ده سناتویا گؤندریله‌جگینی ایفاده ائتمیشدی.
ایلگیلی‌لی خبرلر
جوزپ بورل فیلیسطین دؤولتینی تانییا‌جاق اؤلکه‌لری آچیقلادی
جوزپ بورل ایسپانیا، مالتا، ایرلاندیا و اسلوونیا-نین فیلیسطین دؤولتینی تانییاجاغینی بیلدیریب.
