آلمانیادا یاشیل‌لار پارتیسی بیرینجی اولوب

آلمانیاداکی آوروپا پارلامنتوسو سئچیملرینده قطعی اولمایان ایلکین نتیجه‌لره گؤره یاشیل‌لار پارتیسی یوزده 22 سس توپلایا‌راق بیرینجی اولوب.

آلمان بیر تلویزیون کانا‌لی ARDنین صاندیق چیخیش آنکتینه گؤره، یاشیل‌لار سس‌لرینی 2014دکی سون سئچیمه گؤره یوزده 11.1 آرتیرا‌راق، آوروپا پارلامنتوسودا 22 صندل الده ائدیب.

باش ناظیر آنگلا مرکلین پارتیسی اولان خریستیان دموکرات بیرلیک پارتیسی (CDU) 21.9%، خریستیان اجتماعی بیرلیک پارتیسی (CSU) ایسه یوزده 6 سس آلیب. بونا گؤره،

بیرلیک پارتیلری جمعی یوزده 27.9 سس قازانیب. بیرلیک پارتیلری‌نین آوروپا پارلامنتوسونداکی صندل ساییسی 28 اولدو. خریستیان دموکرات بیرلیک پارتینین 2014دکی سئچیم‌لره گؤره سس نیسبتی یوزده 8 دوشدو.

آوروپا پارلامنتوسو سئچیم‌لرینده ان چوخ سس ایتیرن پارتی ایسه سوسیال دموکرات پارتی (SPD) اولدو. سوسیال دموکرات پارتی یوزده 15.6 سس توپلایا‌راق بیر اؤلکی سئچیم‌لره نیسبتن یوزده 11.7 سس ایتیریب. سوسیال دموکرات پارتی بو نتیجه ایله تاریخین‌دکی ان بؤیوک مغلوبیتی یاشادی.

آزاد دموکرات پارتی (FDP) سس‌لرینی یوزده 2.1 نیسبتینده توللایا‌راق یوزده 5.5ه چیخاردی.

موخالیفت‌دکی سول پارتینین (Die Linke) سس نیسبتی ایسه یوزده 5.5 اولوب.

سس‌لرینی یوزده 3.4 آرتیران رادیکال ساغچی آلمانیا اوچون آلترناتیو (AfD) پارتیسی ده یوزده 10.5 ایله آوروپا پارلامنتوسوندا تمثیل ائدیلمه‌یه داوام ائده‌جک.

رادیکال ساغچی آلمانیا اوچون آلترناتیو بو نتیجه ایله 6 اولان میللت وکیلی ساییسینی 10-ا چیخارابیله‌جک گوجه چاتدی.

ایلکین نتیجه‌لره گؤره، آلمانیادا آوروپا پارلامنتوسو سئچیم‌لرینده قاتیلیم نیسبتی یوزده 59 اولا‌راق رئال‌لاشدی.

اؤلکه‌ده 2014ده ائدیلن آوروپا پارلامنتوسو سئچیم‌لرینده قاتیلیم یوزده‌سی 48ده قالمیشدی.