ترامپدان قوزئی کوره و روسیا آچیقلاماسی
آمریکا‌نین پرزیدنتی آمریکا دونالد ترامپ، قوزئی کوره لیدری کیم جونگ اونا نوکلئر پروقرام موضوعسوندا وئردیگی سؤزو پوزا‌جاق بیر شئی ائتمیه‌جگینه ایناندیغینی دئییب
آمریکا‌نین پرزیدنتی آمریکا دونالد ترامپ، قوزئی کوره لیدری کیم جونگ اونا نوکلئر پروقرام موضوعسوندا وئردیگی سؤزو پوزا‌جاق بیر شئی ائتمیه‌جگینه ایناندیغینی دئییب.
توئیتر حسابین‌دان آچیقلاما ائدن ترامپ،
بو ماراق‌لی دونیادا هر شئی مومکون‌دور، آنجاق من کیم جونگ قوزئی کوره‌نین ایقتیصادی پوتانسیلی‌نین تام فرقینده اولدوغونو و بونو انگلله‌یه‌جک و یا عقیم قویا‌جاق بیر شئی ائتمیه‌جگینه اینانیرام. اونون یانیندا اولدوغومو بیلیر و منه وئردیگی سؤزو پوزماق ایستمیر. آنلاشما اولا‌جاق." ایفاده‌لرینی ایستیفاده ائتدی.
ترامپین بو آچیقلاماسی‌نین، جنوبی کوره اوردوسونون قوزئی کوره‌نین بیر موشک آتدیغینی تثبیت ائتدیک‌لرینی چاتدیرماسین‌دان سونرا گلمه‌سی دقت چکدی.
جنوبی کوره اوردوسو، دونالد ترامپین پایلاشیمیندان بیر نئچه ساعات اوّل قوزئی کوره‌نین بیر نئچه قیسا مسافه‌لی موشک آتدیغینی آچیقلامیشدی.
ترامپ بون‌دان باشقا، روسیا پرزیدنتی ولادیمیر پوتین ایله آپاردیغی تلفون گؤروشمه‌سینه دایر چیخان خبرلر اوزرینه سوسیال مئدیا حسابین‌دان پایلاشیمدا اولوب.
ترامپ، پایلاشیمیندا،
دون روسیا پرزیدنتی پوتین ایله چوخ یاخشی بیر تلفون گؤروشمه‌سی کئچیردیک. یالان خبر مئدیاسیندا گؤردوک‌لرینیز و اوخودوغونوز باخمایا‌راق، روسیا ایله یاخشی موناسیبت‌لر اوچون بؤیوک پوتانسیل وار. باخین، سیزی روسیا ایله گیزلی آنلاشما (روسیانین 2016 پرزیدنت سئچیم‌لرینه قاریشدیغی ادعا‌لاری) مسئله‌سینده نئجه چاشدیردی‌لار. دونیا داها تهلوکه‌سیز بیر یئر اولابیلر." ایفاده‌لرینی ایستیفاده ائتدی.
