دونالد ترامپ، ونزوئلاداکی کودتا تلاشینا دایر کوبا رهبرلیگینی گوناهلاندیردی
ترامپ، ونزوئلاداکی کودتا تلاشینا دایر ایلک آچیقلاماسیندا، ونزوئلاداکی وضعیتی چوخ یاخیندان تعقیب ائدیرم. آمریکا، ونزوئلا خالقینا و اونلارین آزادلیغینا دستک وئریر." قیمتلندیرمهسینی ائتمیشدی
آمریکانین پرزیدنتی دونالد ترامپ، ونزوئلاداکی کودتا تلاشینا دایر کوبا رهبرلیگینی گوناهلاندیردی.
ترامپ، سوسیال پایلاشما سایتی توئیتردن وئردیگی آچیقلامادا،
اگر کوبا عسگرلری و میلیتانلاری، ونزوئلا آنایاساسینی یوخ ائتمه و اؤلوملره سبب اولما مقصدی گودن بوتون نیظامی و دیگر عملیاتلارینی درحال دایاندیرماسا، ان یوکسک سویهده تحریملرله بیرلیکده تام و احاطهلی بیر تحریم کوبا آداسینا تطبیق اولوناجاقدیر. اومید ائدیرم کی، بوتون کوبالی عسگرلر درحال و دینج بیر شکیلده اؤز آدالارینا دؤنورلر." ایفادهلرینی ایستیفاده ائتدی.
ترامپ، ونزوئلاداکی کودتا تلاشینا دایر ایلک آچیقلاماسیندا،
ونزوئلاداکی وضعیتی چوخ یاخیندان تعقیب ائدیرم. آمریکا، ونزوئلا خالقینا و اونلارین آزادلیغینا دستک وئریر." قیمتلندیرمهسینی ائتمیشدی.
بو آرادا آغ ائو میللی امنیت دانیشمانی جان بولتون، ونزوئلادا یاخین زاماندا بیر حاکمیت دییشیکلیگی اومید ائتدیکلرینی بیلدیرهرک، "بیر مدتدیر مادورودان سونراکی گون ائدهجکلریمیز بارهده پلانلاشدیرما آپاریریق." دئدی.
آغ ائوده ژورنالیستلرین سواللارینی جوابلاندیران بولتون، کوبا و روسیانین حادثهلرده مادورونو آیاقدا توتدوغو یؤنونده ادعالار اولدوغونو ایفاده ائدئرئک، روسیایا ونزوئلاداکی حادثهلره قاریشماماق چاغیریشی ائتدی.
ونزوئلایا قارشی نیظامی واریانتین ماسادا اولوب اولمادیغینا دایر سوالا جاواب وئرن بولتون، آمریکانین حاکمیت دییشیکلیگینین دینج یوللارلا اولماسینی دستکلدیگینی آنجاق "بوتون واریانتلارین ماسادا اولدوغونو" بیلدیریب.
بولتون،
"بو بیر کودتا تلاشی دئییل. خوان گوایدویو ونزوئلانین قانونی دولت باشقانی کیمی تانیییریق. آمریکا پرزیدنتینین ساوونما ناظیرینه امر وئرمهسی نئجه کی بیر کودتا دئییل ایسه بو دا خوان گوایدونون ونزوئلا اوردوسونا باشقانلیق ائتمهیه چالیشماسیدیر و بیر کودتا دئییل." دئدی.
ایلگیلیلی خبرلر
فیلیسطینه دستک نوماییشلری داوام ائدیر
دونیانین بیر چوخ یئرینده مینلرله اینسان ایسرائیلین غزه زولاغینا هوجوملارینا اعتیراض ائدیب