مالیده تشکیل اولونان ترور سالدیریلاریندا 11 عسگر اؤلوب
یئرلی مطبوعاتداکی خبرلره گؤره، موپتی بؤلگهسینده خیدمت ائدن بیرلشمیش میللتلر باریش گوجونه عایید بیر نیظامی واسطه، دوونتزا-بونی یولوندا مینه دئیدی
مالیده تشکیل اولونان ترور سالدیریلاریندا 11 عسگر اؤلوب.
یئرلی مطبوعاتداکی خبرلره گؤره، موپتی بؤلگهسینده خیدمت ائدن بیرلشمیش میللتلر باریش گوجونه (MINUSMA) عایید بیر نیظامی واسطه، دوونتزا-بونی یولوندا مینه دئیدی.
نفرین پارتلاییش نتیجهسینده میصرلی بیر باریش گوجو عسگری اؤلدو، دؤرد عسگر یارالانیب.
ماوریتانیا مرزی یاخینلیغینداکی گویره شهرینده ده اوردو قرارگاهینا ترورچولارلا تشکیل اولونان سالدیریدا 10 عسگر اؤلوب.
مالی اوردوسو سالدیرینی تصدیقلهدی.
مالینین قوزئی و اورتا بؤلوملری 2012دن بو یانا بؤلوچو و اتنیک موناقیشهلر ایله ترور سالدیریلارینا صحنه اولور.
ایستر فرانسانین "بارخان عملیاتی" آدی آلتیندا مالیده وظیفهلندیریلدیغی 4 مین عسگر، گرک بیرلشمیش میللتلر (بمت) رهبرلیگی آلتیندا قورولان 15 مین نفرلیک باریش گوجو MINUSMA، امنیت پروبلمینی آرادان قالدیرماغی باجارمادی.