"ایلین ان ائتکیلی ۱۰۰ شخصی" آچیقلاندی
"هر مدرن آمریکا پرزیدنتی دونیایا تأثیر ائتمه‌یه چالیشیر"
تایم درگیسی، "ایلین ائتکیلی ۱۰۰ شخصی"نی آچیقلادی.
تایمین هر ایل آچیقلادیغی "ایلین ان تأثیرلی ۱۰۰ آدی" لیسته‌سین‌ده بو ایل لیدئرلر بؤلومونده آمریکا بیرلشمیش دؤولتلری باشقانی دونالد ترامپ، یئنی زلاند باش باخانی جاسیندا آردرن، پاکیستان باشباخانی عمران خان، مالزی باشباخانی مهاتیر محمد، آمریکا نماینده‌لر مجلسینین باشقانی نانسی پلوسی، آمریکا کنگره‌سینین ان گنج عضوو نیویورک نماینده‌سی آلکساندریا اوکاسیو-کورتز و ابوظبی شهزاده‌سی محمد بن زاید آل نهیان یئر آلدی.
اسکی نیو جرسی والیسی جمهوریتچی کریس کریستی، ترامپین لیسته‌یه گیرمه‌سینه دایر،
"هر مدرن آمریکا پرزیدنتی دونیایا تأثیر ائتمه‌یه چالیشیر. ترامپ، بونو ناتو اؤلکه‌لرینین عدالت‌لی اؤد‌مه ائتمه‌مه‌لرینه قارشی چیخاراق، چین و قوزئی آمریکالی قونشولاریمیزی داها عدالت‌لی تیجارت آنلاشمالارینا زورلایاراق و ایران ایله نوکلئر آنلاشمادان چکیله‌رک ائتدی" دگرلندیرمه‌سینی وئردی.
کریستی، آمریکا پرزیدنتینین، قوزئی کره لیدئری کیم جیونگ اون ایله ماسایا اوتورماسینی دا "ترامپین ان جسارت‌لی آددیمی" کیمی دیرلندیردی.
یئنی زلانددا ایکی مسجیده تشکیل اولونان ترور سالدیریلارینین آردین‌دان دوروشو ایله گوندمه گلن یئنی زلاند باشباخانی جاسیندا آردرن ده لیدئرلر بؤۀومونده لیسته‌ده گؤزه چارپان دیگر بیر شخصیت اولدو.
لندن بلدیه باشقانی صادق خان، آردرن اوچون،
"سالدیریلاردان سونرا آردرنین لیدئرلیگی هامیمیزا ایلهام اولدو. ساده‌جه، سلاح کنترلو قونوسوندا سرعتله حرکته گئچمکله قالمادی، عینی زامان‌دا بوتون دونیایا اورتاق دگرلریمیز حاقین‌دا گوج‌لو بیر مئساژ گؤندردی. بیزی بؤلمه‌یه چالیشانلارین هئچ واخت اوغورلو اولمایاجاغینی، یئنی زلاندین هر زامان چئشیدلیلیگینی، آیدین‌لیغینی قورویاجاغی و بونونلا موتلو اولاجاغینی بیلدیردی" ایفاده‌سینی ایشلتدی.
ایسراییل باشباخانی بینیامین نتانیاهو و ونزوئلادا اؤزونو گئچیجی باشقان اعلان ائدن آمریکا باشدا اولماق اوزره بیر چوخ باتی و لاتین آمریکا اؤلکه‌سینین دستگینی آلان میلی مجلیس باشقانی خوان گوایدونون دا لیسته‌ده یئر آلماسی دقت چکدی.
یمن‌لی اینسان حاقلاری ساوونوجوسو رضیه المتوکل، آمریکاداکی روسیا آراشدیرماسینی یئریدن اؤزل صلاحیت‌لی ساوجی رابرت مولر، مصرلی فوتبالچی محمد صلاح، آمریکانین اسکی پرزیدنتی باراک اوبامانین حیات یولداشی میشل اوباما دا لیسته‌ده یئر آلدی.
ایلگیلی‌لی خبرلر
جوزپ بورل فیلیسطین دؤولتینی تانییا‌جاق اؤلکه‌لری آچیقلادی
جوزپ بورل ایسپانیا، مالتا، ایرلاندیا و اسلوونیا-نین فیلیسطین دؤولتینی تانییاجاغینی بیلدیریب.
