عمر زین العابدین:" عمر البشیری بیز موحاکیمه ائدجییک "

سودان-دا حربی کئچید شوراسی‌نین صلاحیت تاپشیردیغی سیاسی کومیته صدری ژنرال عمر زین العابدین سابیق پرزیدنت عمر البشیری موحاکیمه ائدیلمه‌سی مقصدیله اولوسلار آراسی جزا محکمه‌سینه تحویل وئرمه‌یه‌جک‌لرینی آچیقلاییب.

عمر زین العابدین سودان-ین پایتاختی خارطوم-دا ژورنالیست‌لره آچیقلاماسیندا دئییب کی، عمر البشیری بیز موحاکیمه ائدجییک. اونو اولوسلار آراسی جزا محکمه‌سینه تحویل وئرمیجییک.

زین العابدین اؤلکه‌نین گلجی ایله باغلی یول‌لارین باغلاندیغینی حیس ائتدیک‌لرینی، رژیمین بونا لاقئید یاناشماسیندان سونرا دییشیک‌لیک ائتمه‌یه قرار وئردیک‌لرینی بیلدیریب.

سودان-دا اردونون حاکمیته نظارتی اله کئچیرمه‌سی موضوع سوندا اولوسلار آراسی اؤلکه‌لرین گؤستردیک‌لری رئاکسیا‌لارینی مثبت اولدوغونو وورغولایان زین العابدین عمر البشیر رژیمیندن سیمبل اولان شخص‌لرین حبس ائدیلدیگینی قئید ائدیب.

زین العابدین حاکمیتی سئچیلن حکومته تحویل وئره‌جک‌لرینی قئید ائده‌رک، "ایلکین پلانداکی هدفیمیز اؤلکه‌دکی ثابت‌لیک و تهلوکه‌سیزلیک‌دیر. حاکمیتده قالماق کیمی بیر دردیمیز یوخ‌دور. امریکانین تحریم لرینی آرا‌دان قال‌دیرماق اوچون جهد گؤسترجییک" دئییب.

عمر زین العابدین ین آچیقلامالاریندان‌ سونرا سودان پئشه اوتاق لاری بیرلیگی آچیقلاما یایا‌راق، "شورا طرفیندن یاییلان بیاناتی رد ائدیریک. حاکمیتین تحویل طرزی مسخره بیر تئاترا اوخشاییر. اردونون حیاتا کئچیردیک‌لرینی قطعیت ایله قبول ائتمه دیگیمیزی تصدیقلییریک" دئییب.