اذانی ارکسترله اوخودولار

دونیا مسلمان عالیملر بیرلیگی، کاتولیک دونیاسینین روحانی لیدئری پاپ فرانسیسین مراکشین باشکندی راباطداکی ۶.جی محمد امام و مورشودلر انستیتوسون‌دا قارشیلانماسی زامانی اذانینین اورکسترله خریستیان و یهودی ایلاهیلری ایله اوخونماسینا تپکی گؤستردی.

مراکش کرالی ۶.جی محمدین ده حاضر اولدوغو دوننکی قارشیلاما مراسیمی ایله باغلی دونیا مسلمان عالیملر بیرلیگین‌دن وئریله‌ن یازی‌لی آچیقلامادا،

"خوشگؤرو، بیرلیک‌ده یاشاما و دیالوگ پرینسیپی، ایسلام دینین‌ده دییشمز و انگین بیر پرینسیپ‌دیر. آنجاق بو، دییشمزلردن وازگئچمه آنلامینا گلمز. مراکش‌ده‌کی انستیتودا ایسلام دینینین ان اؤنملی آیینلر‌دن اولان اذان ایله کلیسه ایلاهیلرینین بیرلیک‌ده اوخونماسینا چوخ تعجبلندیک و شوک اولدوق" ایفاده‌لرینه یئر وئریلدی.

بیرلیگین، ایسلام امتینین ایچین‌ده اولدوغو بؤلونموشلوک حالینی و مقدس دیرلرینه قارشی پوزونتولاری بؤیوک بیر قایغی و تأسفله تعقیب ائتدیگینین بیلدیریلدیگی آچیقلامادا، خوش‌گؤرونون شرعی حؤکملرده ده نظرده توتولدوغو آنجاق اسلامی دیرلرین تحریف ائدیلمه‌سینین سؤز قونوسو اولمادیغی قید ائدیلدی.

آچیقلاما‌دا آیریجا، اسلام دونیاسینین اساس وظیفه‌سینین قودسو قوروماق اولدوغونا ایشاره ائدیله‌رک، بورادا دیگر سماوی دینلرین عبادتگاهلاری اولسا دا قودسون عرب و ایسلام تورپاغی اولدوغو وورغولاندی.