آشیری ساغچی یانوپولوس اوسترالیایا گیره‌مه‌یه‌جک
میلو یانوپولوس‌ون، یئنی زئلانداداکی ایکی مسجیده تشکیل ائدیلن ترور سالدیری‌لاری‌نین آردین‌دان ائتدیگی ایسلام علیهداری آچیقلاما‌لار سببیله اوسترالیایا گیریشینه ایجازه وئریلمه‌یه‌جک
آمریکادا یایینلانان بریت بارت خبر سایتی‌نین اسکی رداکتورو آشیری ساغچی میلو یانوپولوس‌ون، یئنی زئلانداداکی ایکی مسجیده تشکیل ائدیلن ترور سالدیری‌لاری‌نین آردین‌دان ائتدیگی ایسلام علیهداری آچیقلاما‌لار سببیله اوسترالیایا گیریشینه ایجازه وئریلمه‌یه‌جک.
اوسترالیا فدرال کؤچری ناظیری دیوید کولمن، ائتدیگی یازیلی آچیقلامادا، یانوپولوس‌ون بو ایل ائتمگی پلانلادیغی دانیشیق تورو اوچون اؤلکه‌یه گیریشینه ایجازه وئریلمه‌ی‌جگینی بیلدیریب.
کولمن، آشیری ساغچی یانوپولوس‌ون اجتماعی مئدیا‌داکی پایلاشیم‌لارینا اعتراض گؤستره‌رک، بو ایفاده‌لری ایستیفاده ائتدی:
"یانوپوولوس‌ون کرایستچرچ ترور سالدیریسی ایله علاقه‌دار اجتماعی مئدیا‌داکی آچیقلاما‌لاری دهشت وئریجی، نیفرت دولو و بؤلوچو. کرایستچرچ‌دکی تروریست سالدیری، دین‌لرینی باریش شکیلده تطبیق ائدن موسلمان‌لارا ائدیلدی. بو، قوصورسوز بیر پیس‌لیک ائیلمیدی. اوسترالیا، بو اینسان‌لیغا یاریشمایان حرکتی پیسله‌ین یئنی زئلاندا و دونیا‌داکی او، موسلمان جمعیت‌لرله بیرلیکده دورور ".
آلترناتیو ساغچی فیکری ایله تانینان بریت بارت سایتی‌نین اسکی رداکتورو یانوپولوس، یئنی زئلانداداکی ایکی مسجیده ائدیلن ایسلاموفوبیک ترور سالدیری‌لاری سونراسی فیسبوک حسابین‌دان ائتدیگی پایلاشیمدا، ایسلامی "بربر و خاریجی دینی مدنیت" اولا‌راق خاراکتریزه ائتمیشدی.
ایسلام علیهداری آچیقلامالاریله تپکی چکن میلو یانوپولوس، پئدوفیل مزمون‌لو بیر آچیقلاماسین‌دان سونرا توپلومدا اولان باسقیلارا دؤزه بیلمه‌ییب 2017ده بریت بارت‌داکی وظیفه‌سین‌دن ایستعفا وئرمیشدی.
ایلگیلی‌لی خبرلر
تانزانیا-دا داشقین‌لار نتیجه‌سینده 155 نفر اؤلوب
تانزانیا-دا گوجلو یاغیش‌لارین سبب اولدوغو داشقین‌لار نتیجه‌سینده آزی 155 نفر اؤلوب.
سومالی-ده 70 الشباب-ین عضوو ضررسیزلشدیریلیب
سومالی-ده ترور تشکیلاتی "الشباب"ین 70 عضوو حیاتا کئچیریلن هاوا عملیاتی نتیجه‌سینده ضررسیزلشدیریلیب.
