قیزینا ار تاپماق اوچون یاریشما تشکیل ائتمیشدی
"نامیزدلر، لطفاً منه تلفن ائتمه‌یین. تلفنوم داوام‌لی چالیر، اؤلمک اوزره‌یه‌م. بوراخین دینجلیم"
ائوله‌نمک ایسته‌یه‌ن قیزینا ار تاپماق اوچون یاریشما تشکیل ائده‌جگینی بیلدیرن تایلندلی ایشآدامی آرنون رودونگ، ایسته‌یه‌ن ساییسینین ۱۰ مینه چاتماسی اوزرینه گئری آددیم آتدی.
سوسیال مئدیا حسابین‌دان آچیقلاما وئرن ۵۸ یاشین‌داکی رودونگ، چرشنبه آخشامی گونو قیزینا ار تاپماق اوچون کیفیت‌لی نامیزد آختاردیغینا دایر اعلان وئرمه‌سینین آردین‌دان تخمیناً ۱۰ مین نفرین قیزییلا ائوله‌نمه‌یه طالب اولدوغونو ایفاده ائتدی.
ایسته‌یه‌نلردن اوست اوسته گلن تلفنلاردان راحاتسیز اولدوغونو سؤیله‌یه‌ن ایش آدامی، آشیری طلب سببیله یاریشمادان واز گئچدیگینی بیلدیردی.
اؤزونو آرایان نامیزدلره سس‌لنه‌ن رودونگ، "نامیزدلر، لطفاً منه تلفن ائتمه‌یین. تلفنوم داوام‌لی چالیر، اؤلمک اوزره‌یه‌م. بوراخین دینجلیم" دئدی.
ماراق‌لی فیکریله سوسیال مئدیادا چوخ ایلگی چکن زنگین ایش آدامی، ۲۶ یاشین‌داکی قیزی ایله ائوله‌نه‌جک شخصه ۱۰ میلیون تایلند باتی (۳۱۴ مین دلار) وئرجگینی سؤیلمیشدی.
ایلگیلی‌لی خبرلر
جوزپ بورل فیلیسطین دؤولتینی تانییا‌جاق اؤلکه‌لری آچیقلادی
جوزپ بورل ایسپانیا، مالتا، ایرلاندیا و اسلوونیا-نین فیلیسطین دؤولتینی تانییاجاغینی بیلدیریب.
