ترامپ: چوخ گؤزل خبرلر وئرهجهیهم
"داعشین الیندهکی تورپاقلارین یوزده یوزونو گئری آلدیق"
آمریکا بیرلشمیش ایالتلرینین باشقانی دونالد ترامپ، سوریهده ترور هؤرگوتو داعشله مباریزهنی قازاندیقلارینی بیلدیردی،
"داعشین الیندهکی تورپاقلارین یوزده ۱۰۰ونو گئری آلدیق" دئدی.
قوزئی کره لیدئری کیم جونگ ایله ویتنامدا گؤروشمه دؤنوشده آلاسکادا دوران ترامپ، بوراداکی المندورف هاوا گوجلری مرکزینده آمریکا عسگرلرینه خطاب ائتدی.
ایلک اولاراق دسامبر آییندا داعشی مغلوب ائتدیکلرینی و آرتیق آمریکا عسگرلرینین اؤلکهلرینه قاییداجاغینی بیلدیرهن ترامپ، سوریهده داعشه قارشی جدی بیر اوغور قازاندیقلارینی ادعا ائتدی.
ترامپ،
"سوریهدهکی (داعشین) خیلافتی مسئلهسینده یوزده ۹۰، ۹۲ دئیه ائشیدیردینیز. آرتیق هامیسینا صاحبیک. داعشین الیندهکی تورپاقلارین یورده ۱۰۰ونو گئری آلدیق" ایفادهلرینی ایشلتدی.
سوریهدهکی آمریکالی قوموتانلارلا قونونو دانیشدیغیندا "بیر هفتهمیز قالدی" شکلیندهکی ایفادهلری دویدوغونو و اؤزونون ده "آرتیق بونو بیتیرین" دئدیگینی بیلدیرهن ترامپ، موباریزهنی قازاندیقلارینی دیله گتیردی.
آمریکا پرزیدنتی ترامپ، ۲۰ دسامبر ۲۰۱۸ده، آمریکا عسگرلرینین سوریهدن چکیلمهسی قونوسوندا،
"اورادا اولماغیمیزین تک سببی داعش ایدی و داعشی مغلوب ائتدیک" آچیقلاماسینی وئرمیشدی.
داها سونرا داعشین الیندهکی تورپاقلارین یوزده ۹۹ونو آلدیقلارینی بیلدیرهن ترامپ، سون اولاراق ۱۶ فوریهدهکی آچیقلاماسیندا،
"سوریه حاقیندا ۲۴ ساعات ایچینده چوخ گؤزل خبرلر وئرهجهیهم" ایفادهسینی ایشلتمیشدی.