اینگیلیستان، یمن ساواشیندان ضرر گؤرنلرینه 200 میلیون پوند یاردیم سؤزو وئریب
میصرین توریستلیک منطقهسی شرم الشیخده کئچیریلن "ایستیقراردا یاتیریم" باشلیقلی آوروپا بیرلیگی-عراب بیرلیگی ذیروهسینده دانیشان می، یمن بحرانینی سونا چاتدیرماغین یگانه یولونون سیاسی حلّه چاتیلماسی اولدوغونو دئدی
اینگیلیستان باش ناظیری ترزا می، یمن ساواشیندان ضرر گؤرنلرینه 200 میلیون پوند (262 میلیون دولار) یاردیم سؤزو وئریب.
میصرین توریستلیک منطقهسی شرم الشیخده کئچیریلن "ایستیقراردا یاتیریم" باشلیقلی آوروپا بیرلیگی-عراب بیرلیگی ذیروهسینده دانیشان می، یمن بحرانینی سونا چاتدیرماغین یگانه یولونون سیاسی حلّه چاتیلماسی اولدوغونو دئدی.
سیاسی حلّ اوچون جیدی مرحله کئچیلدیگینی آنجاق بو ایمکانین یاخشی قیمتلندیرمهییب بیلدیرن می، موجود باریش آنلاشمالاری گوجلو باریشه چئویرمک اوچون ایستوکهولم دانیشیقلارینین سرعتلندیرمهسیندن ایستیفاده ائتمک لازیم اولدوغونو قئید ائدیب.
می، یمندکی ساواش ضرر گؤرنلرینه 262 میلیون دولار یاردیم سؤزو وئریب.
یمنده 4 ایلدن چوخ مدتدیر باش وئرن توققوشمالاردا مینلرله اینسان اؤلدو. دونیانین ان کاسیب اؤلکهلری آراسیندا یئر آلان یمنده ساواش سببی ایله بؤیوین اینسانی بحران دا قورقمالی حده چاتیب.
یمنلی طرفلر، بمت حمایهسینده سوئدین باشکندی ایستوکهولمدا 6-13 دسامبر 2018ده حیاتا کئچیریلن مشورت ایجلاسلاریندا اسیر موبادیلهسی، حدیدهده آتشکس، لیمانلار و تعزله باغلی آنلاشما ایمضالامیشدی.
ایلگیلیلی خبرلر
آنتونی بلینکن چین-لی همکاری وانگ یی ایله گؤروشوب
امریکانین خاریجی ایشلر ناظیری آنتونی بلینکن چینه رسمی سفری چرچیوهسینده همکاری وانگ یی ایله گؤروشوب.