فیلیپین موسلمان‌لاری، صاندیق باشینا گئتدی
فیلیپینلر سئچیم کومیسیونو، بؤلگه‌ده یاشایان موسلمان، لوماد، خریستیان و یئرل خالق‌لاردان اولوشان یاخلاشیق 640 مین سئچمنین رای وئرمه‌سی‌نین بکلندیغینی دویوردو
فیلیپینلر "گونئیینده یاشایان مورو موسلمان‌لاری‌دا، بؤلگه‌نین سیاسی گئله‌جگینی دگیشدیره‌جک تاریخی بانگسامورو اورگانیک یاساسی (BOL) رفراندومونون ایکینجی آیاغی ایچین صاندیق باشینا گئتدی.
قوزئی باتی‌سیندا یئر آلان لاناو دل نورت‌دکی بؤلگهسیندکی 6 بلدیه و قوزئی کوتاباتوداکی 67 یئرلشیم یئرینده یاشایان سئچمنلر، لاناو دل نورت و قوزئی کوتاباتونون بعضی یئرلئشیم یئرلری‌نین ده یئنی اؤزرک بؤلگه‌یه داخیل اولوب اولمایاجاغینا ایلیشکین رای قوللانیر.
فیلیپینلر سئچیم کومیسیونو (COMELEC)، بؤلگه‌ده یاشایان موسلمان، لوماد، خریستیان و یئرل خالق‌لاردان اولوشان یاخلاشیق 640 مین سئچمنین رای وئرمه‌سی‌نین بکلندیغینی دویوردو.
رسمی تعطیل ایلان ائدیلن سئچیم یئرلرینده، یئرل ساعات 07.00 ایله 15.00 ساعاتلاریندا رای وئریله‌بیله‌جگی، سونوچ‌لارین 4 گونده ایلان ائدیله‌جگی بیلدیریلدی.
بانگسامورو اورگانیک یاساسی، اوجاق آییندا بؤلگه‌دکی 1.5 میلیون‌دان چوخ مورونون "بلی"، رای وئرمه‌سی نتیجه‌سینده قبول ائدیلمیش و موسلمان مینداناودا بانگسامورو موختار بؤلگه‌سی (BARMM) ایداره‌سی یارادیلمیش‌دیر.
بؤلگه‌ده 21 ژانویه‌ده کئچیریلن و "بلی" سس‌لری‌نین آچیق آرا اؤنده چیخدیغی رفراندومونون آردین‌دان، لاناو دل نورت و قوزی کوتاباتونون بعضی یاشاییش یئرلری‌نین ده یئنی قورولا‌جاق موختار بؤلگه‌یه داخیل اولوب اولمایاجاغی سس وئرمه‌یه چیخاریر.
فیلیپین دولت باشقانی رودریگو دوترتنین یولون سونوندا ایمضالادیغی بانگسامورو موسلمان‌لارینا گئنیش موختاریت تامین ائدن قانون، بؤلگه موسلمان‌لاری‌نین حقوقی و ایقتیصادی نایلیت‌لری‌نین آرتیریلماسینی نظرده توتور.
قانون، اها‌لی‌نین چوخ یاشادیغی مینداناو ایالتی‌نین بعضی بؤلگه‌لری ایله اطرافین‌دکی آدا‌لارلا، موجود موختار قورولوش‌دان چوخ داها گئنیش بیر موختاریت تامین ائده‌جک.
یئنی کئچیرمکله بانگسامورو موختار حکومتی قورولا‌جاق. بؤلگه‌ده دینی آزادلیق‌لار مسئله‌سینده موستقیل اولا‌راق ایسلام حقوقو حکوملرینین تطبیق اولوناجاغی محکمه‌لر آچیلا‌جاق.
مرکزی حکومت، مینداناوداکی ایداری صلاحیت‌لری بانگسامورو حکومتینه تحویل وئره‌جک. بانگسامورو بؤلگهسیندکی ایچ سولار میللی حکومت ایله همزمان‌لی ایداره ائدیله‌جک. موختار حکومت انرژی منبع‌لری‌نین ایداره‌سینی ائده‌جک.
عینی زماندا کئچمیش مورو میللی قورتولوش جبهه‌سی (MUKC) و مورو ایسلام قورتولوش جبهه‌سی (MİKC) ساواشچیلاری قورویوچو گوجلرینه قوشولا‌جاق.
