اؤزارکلیک رفراندومو داوام ائدیر
بؤلگهده دینی اؤزگورلوکلر قونوسوندا مستقیل اولاراق شرعی حؤکملرین تطبیق اولوناجاغی محکمهلر آچیلاجاق
فیلیپینین گونئیینده یاشایان مسلمان مورو خالقینا گئنیش اؤزارکلیک وئریلمهسینی اؤنگؤرن بانگسومورو اورگانیک یاساسینین قبولو اوچون ائدیلن بؤلگهسل رفراندومدا "هه" اویلارینین اؤنده اولدوغو بیلدیریلدی.
میللی مطبوعاتدا یئر آلان خبرلره گؤره، ماگوینداناو، لانائو دل سور، بؤلگهدهکی آدالار باسیلان، تاوی تاوی و سولو ایله مؤوجود اؤزارک یؤنتیم یاپیسی ایچینده یئر آلمایان کوتاباتو و ایزابلا شهرلرینده ۲۱ ژانویهده ائدیلن رفراندومدا رسمی اولمایان نتیجهلره گؤره "ائوت" اویو آچیق آرا اؤنده گؤرونور.
فیلیپینده یایینلانان نشر ائدن آیبیسی-سیبیان نیوزدا یئر آلان خبره گؤره، ماگوینداناو ویلایتینده ۹ مین ۹۶ "یوخ" اویونا قارشی ۵۹۹ مین ۵۸۱ "هه" اویو، لانائو دل سور ویلایتینده ۹ مین ۷۳۵ "یوخ" اویونا قارشی ۵۰۳ مین ۴۲۰ "هه" اویو، کوتاباتو شهرینده ۲۴ مین ۹۹۴ "یوخ" اویونا قارشی ۳۶ مین ۶۸۲ "اولور" اویو، ایزابلا شهرینده ۲۲ مین ۴۴۱ "یوخ" اویونا قارشی ۱۹ مین ۳۲ "هه" اویو، باسیلان آداسیندا ۶ مین ۴۸۶ "یوخ" اویونا قارشی ۱۴۷ مین ۵۹۸ "هه" اویو، تاوی تاوی آداسیندا ۹ مین ۹۰۷ "یوخ" اویونا قارشی ۱۵۱ مین ۷۸۸ "هه" اویو و سولو آداسیندا ۱۶۳ مین ۵۲۶" یوخ" اویونا قارشی ۱۳۷ مین ۶۳۰ "هه" اویو صاندیقدان چیخدی.
اوی وئریلن ۷ اداری بؤلگهنین ۲سینده "یوخ" اویو، ۵ینده ایسه "هه" اویونون اؤنده گئتدیگی اؤیرنیلدی.
خالق اویلاماسیندا "هه" اویو چیخماسی حالیندا، مؤوجود "مسلمان میندانائو اؤزارک بؤلگهسی" لغو ائدیلهجک و یئرینه "بانگسامورو مسلمان میندانائو اؤزارک بؤلگهسی" قورولاجاق.
نتیجهلره گؤره، بؤلگهلرین بانگسامورو اؤزارک بؤلگهسی چرچیوهسینده یئر آلیب آلمایاجاغینی ایستهییب ایستمهدیگینه دایر قرار وئریلهجک خالق اویلاماسینین ایکینجی مرحلهسی ایسه فوریهنین ۶سیندا گئچیریلهجک.
لانائو دل نورت بؤلگهسینده ۶ قصبه و قوزئی کوتوباتو ویلایتینه باغلی ۶ قصبه ۳۹ کند ایله بؤلگهیه داخیل اولماغی طلب ائدن دیگر اطراف بؤلگهلر ۶ فوریهده اوی وئرهجک.
فیلیپین دؤولت باشقانی رودریگو دوترتهنین ژوئیهنین سونوندا ایمضالادیغی بانگسامورو مسلمانلارینا گئنیش اؤزارکلیک تامین ائدن قانون، بؤلگه مسلمانلارینین حقوقی و اقتصادی قازانیملارینین آرتیریلماسینی نظرده توتور.
قانون، جمعیتین سیخ یاشادیغی میندانائو ایالتینین بعضی بؤلگهلری ایله اطرافینداکی آدالارلا، مؤوجود اؤزارک قورولوشدان چوخ داها گئنیش بیر اؤزارکلیک تامین ائدجک.
یئنی یاسا ایله بانگسامورو اؤزارک حکومتی قورولاجاق.
بانگسامورو اؤزارک بؤلگهسینین باشکندی کوتاباتو شهری اولاجاق.
بؤلگهده دینی اؤزگورلوکلر قونوسوندا مستقیل اولاراق شرعی حؤکملرین تطبیق اولوناجاغی محکمهلر آچیلاجاق.
مرکزی یؤنتیم، میندانائوداکی اداری صلاحیتلری بانگسامورو حکومتینه تحویل وئرهجک.
بانگسامورو بؤلگهسیندهکی ایچ سولار میلی حکومت ایله ائش زامانلی ایداره ائدیلهجک.
اؤزارک یؤنتیم انرژی قایناقلارینین ایدارهسینی اوستلهنهجک.
آیریجا اسکی مورو اولوسال قورتولوش جبههسی و مورو ایسلام قورتولوش جبههسی ساواشچیلاری قوللوق گوجلرینه قوشولاجاق.
ایلگیلیلی خبرلر
آنتونی بلینکن چین-لی همکاری وانگ یی ایله گؤروشوب
امریکانین خاریجی ایشلر ناظیری آنتونی بلینکن چینه رسمی سفری چرچیوهسینده همکاری وانگ یی ایله گؤروشوب.