آوروپا بیرلیگی سوریه و روس لاری تحریم ائتدی

آوروپا بیرلیگی روسیا باش کشفیات ایداره‌سی‌نین کئچمیش ظابطی سرگئی ایسکریپالین زهرلنمه‌سینده ایشتیراکینا گؤره روسیانین 9 وطنداشینا و بیر موسسه‌سینه قارشی تحریم تطبیق ائدیب.

بو باره‌ده قرار آوروپا بیرلیگینه عضو دؤولت‌لرین خاریجی ایشلر ناظیرلرینین بروکسل-ده کی توپلانتی‌سیندا قبول اولونوب.

تحریمه معروض قالان‌لار آراسیندا روسیا باش کشفیات ایداره‌سی‌نین دیرکتورو، ویتسه آدمیرال ایگور کوستیکوو و بیر معاوینی، ایداره‌نین امکداش‌لاری آلکساندر میشکین و آناتولو چپیگانین دا آدلاری یئر توتوب.

آوروپا بیرلیگی‌نین خاریجی ایشلر ناظیرلیگی نین توپلانتی‌سیندا سوریه-نین 5 شیرکتینه و 11 نفره تحریمین گئنیشلندیریلمه‌سی باره‌ده ده قرار قبول اولونوب.