عمر البشیر: "اونلار اعتراض لاردان اؤلکهنی مهو ائتمک اوچون ایستیفاده ائدیرلر"
سودان دؤولت باشچیسی عمر البشیر نوماییشچیلرین اؤلوموندن آراقاریشدیران و تخریباتچیلارین مسئول اولدوغونو بیلدیردی.
سودان دؤولت باشچیسی عمر البشیر نوماییشچیلرین اؤلوموندن آراقاریشدیران و تخریباتچیلارین مسئول اولدوغونو بیلدیردی.
عمر البشیر الکریده بؤلگهسینده صوفی طریقت طرفدارلارینا مراجعت ائدهرک دئدی: "آراقاریشدیرانلار و تخریباتچیلار خالق نوماییشلرینی یاندیرماق و محو ائتمک اوچون بیر فورصت کیمی گؤرورلر. نوماییشلرده اعتراضچیلاری اؤلدورنلر ده اونلاردیر. بو اینسانلارین هدفی توققوشمالاردا محو اولان سوریه، عراق، یمن و لیبی-ده اولدوغو کیمی توققوشمالاری قیزیشدیرماقدیر. بو اؤلکه سیزیندیر، دیگر اؤلکهلرده اولانلار بورادا دا اولسا هارا گئدریک، قاچقین می اولاجاغیق؟ خئیر، بورادا اؤلوب، بورادا باسدیریلاجاغیق".
عمر البشیر خارطومداکی های برری بؤلگهسیندکی نوماییشلرده اؤلدورولن حکیمین اؤلکهده نه عسگر نه ده پولیسده اولان سلاحلا وورولدوغونا دقت چکدی.
عبدالواحید نور لیدرلیگیندکی سودان آزادلیق اردوسو حرکتینه منسوب اولانلاردان توتولانلارین بعضیلرینین " توققوشمالاری قیزیشدیرماق اوچون نوماییشچیلری اؤلدورمه امری آلدیقلارینی" اعتراف ائتدیکلرینی بیلدیرن بشیر ایقتیصادیات، دیپلماسی، ساواش و عصیان کیمی هر نوع چتینلیکله سیناق ائدیلدیکلری بیر پروسئسله قارشی-قارشییا اولدوقلارینی ایفاده ائتدی.
قئید ائدک کی، سودانداکی نوماییشلر 19 دسامبردا حکومتین چؤریین قیمتینی آرتیرماسیندان سونرا نیل ساحلیندکی آتبرا و پورت سودان شهرلرینده باشلادی، آنجاق قیسا مودت عرضینده موختلیف ایالتلرده رژیم علیهینه نوماییشلره چئوریلدی.