رومانی، آوروپا بیرلیگی کونسیی دؤنم باشقان‌لیغینی دئورآلدی

رومانی، آوروپا بیرلیگی کونسیی دؤنم باشقان‌لیغینی اوتریش‌دن آلتی آیلیغینا دئورآلدی.

آوروپا بیرلیگی شوراسی دؤور باشقانلیغینی 30 ژوئنه قدر ایلک دفعه بوینونا گؤتوره‌جک اولان رومانی اوچون اینگیلتره‌نین بیرلیک‌دن آیریلماسی، غرب بالکان‌لارین آوروپا بیرلیگینه اینتقراسیون و آوروپا پارلامنتی سئچیم‌لری‌نین اؤنجه‌لیک موضوعلار آراسیندا یئر آلمالاری گؤزلنیلیر.

رومانی‌نین بو مدتده عینی زاماندا گؤچ، بودجه پروسسی، اکینچی‌لیک سیاستی‌نین اصلاحاتی و ساوونما ایله امنیت سیاست‌لرینه سیخلاشماسی نظرده توتولور.

رومانی‌نین باش ناظیری ویوریکا دانسیلا،

"آوروپانین اورتاق دگری اولا‌راق باغلیلیق" تماسی ایله دؤور باشقانلیغینی بوینونا گؤتورن اؤلکه‌سی‌نین "بیر-بیرینه باغلی، اعتبارلی، اورتاق دگرلره صاحب و قلوبال گوجده بیر آوروپا" اوچون چالیشاجاغینی قئید ائتدی.

آوروپا بیرلیگی اوچون بؤیوک اهمیته صاحب ایکی اینکیشاف اولان اینگیلتره‌نین بیرلیک‌دن آیریلماسی و آوروپا پارلامنتی سئچیم‌لری رومانی‌نین دؤور باشچیلیغیندا رئال‌لاشا‌جاق.

اینگیلتره، عضو‌لرین آوروپا بیرلیگیندن آیریلما پروسسینی دوزنله‌ین لیزبون آنلاشماسی‌نین 50. ماده‌سینه گؤره بیرلیک‌دن 29 مارس 2019دا آیریلمیش اولا‌جاق.

دیگر طرف‌دن آوروپادا 400 میلیون جیواریندا سئچیجی 23-26 می تاریخ‌لری آراسیندا آوروپا پارلامنتی سئچیم‌لری اوچون صاندیق باشینا گئده‌جک.

رومانی‌نین عینی زاماندا دؤور باشقانلیغی مدتینده ایلکی 30 مارس، ایکینجی‌سی 9 می اولا‌جاق شکیلده ایکی ذیروه‌یه ده سیبیو شهرینده ائو صاحب‌لیگی ائتمه‌سی نظرده توتولور.

تورکیه و رومانی آراسین‌داکی یاخین ایکیطرف‌لی علاقه‌لر گؤز اؤنونده الدیغیندا، رومانی دؤور باشقانلیغی پروسسی‌نین تورکیه- آوروپا بیرلیگی علاقه‌لرینی ده جانلاندیرماسی گؤزلنیلیر.

آوروپا بیرلیگی شوراسی صدرلیگی‌نین آلتی آیلیق مدت‌لرله عضو اؤلکه‌لر آراسیندا چئوریلمه‌لی اولا‌راق اوسته‌لنیلیر.

دؤور باشقانی اؤلکه، آوروپا بیرلیگی شوراسی ایجلاس‌لارینا صدرلیک ائدیر و آوروپا بیرلیگی اوچون اؤنجه‌لیک موضوعلارین تعیین اولونماسینی تامین ائدیر.

2019-جو ایلین ایکینجی یاری‌سیندا فنلان آوروپا بیرلیگی صدرلیگینی اله کئچیره‌جک.