آمریکادا حکومت قیسماً قاپاندی
چالیشان میلیونلارجا آمریکالی، بو پروسه‌ده پول آلمادان چالیشاجاق یا دا مجبوری مرخصییه چیخاریلاجاق
آمریکا بیرلشمیک دؤولتلرینده فدرال حکومت، مکزیک سرحدینه هؤروله‌ن دووارین مالیه‌لشدیریلمه‌سی سببیله یاشانان بودجه بحرانی نتیجهسینده بو ایل اوچونجو دفعه قیسماً و موقتی اولاراق قاپاندی.
آمریکا پرزیدنتی دونالد ترامپین مکزیک دوواری اوچون مالی دستک ایچرمه‌ین گئچیجی بودجه لییحه‌سینی ایمضالامایاجاغی قرارییلا اورتایا چیخان بودجه بحرانی، دموکراتلارین گئری آددیم آتماماسی سونراسی فدرال حکومتین قیسماً قاپانماسی ایله نتیجه‌له‌ندی.
کنگره و آغ ائو یئنی بیر بودجه اوزرین‌ده آنلاشاممادیغی اوچون پول‌سوز قالان فدرال دؤولت اورگانلاری، فعالیتلرینی ۲۲ دسامبر جمعه ارته‌سی یئرلی ساعاتلا ۰۰.۰۱ اعتباریله دوردورماق مجبوریتین‌ده قالدی.
یئنی بودجه قوه‌یه مینه‌نه قدر قاپالی قالاجاق فدرال قوروملار اوچون چالیشان میلیونلارجا آمریکالی، بو پروسه‌ده پول آلمادان چالیشاجاق یا دا مجبوری مرخصییه چیخاریلاجاق.
دیگر طرف‌دن، آمریکا ساوونما، ساغلیق، چالیشما و تحصیل باخانلیقلاری، ۱ اکتبردا باشلایان یئنی مالی ایل بویونجا مالی دستک تامین ائد‌جک ۸۵۴ میلیارد دلارلیق بودجه سپتامبر آیین‌دا یاسالاشدیغی اوچون بو دورومدان تأثیرله‌نمه‌یه‌جک.
قیسماً باغلانان فدرال حکومت، عینی وضعیته بو ایلین اولین‌ده ایکی دفعه داها دوشموشدو.
فدرال قوروملار ینزر آنلاشمازلیقلاردان اؤترو یاشانان بودجه بحرانی سببی ایله ترامپین آغ ائودکی ایلک ایل دؤنومو اولان ۲۰ ژانویه‌دن ۲۳ ژانویه‌یه قدر قاپالی قالمیشدی.
عینی وضعیت، ۹ فوریه‌ده یئنی‌دن باش وئرمه‌سینه باخمایاراق یالنیز بیر نئچه ساعات داوام ائتمیشدی.
اؤلکه‌ده فدرال حکومتی، سونونجوسو دا داخیل اولماق اوزره توپلامدا ۲۱ دفعه قیسماً و موقتی اولاراق باغلانماق مجبوریتین‌ده قالدی.
