فرانسادا سلاحلی سالدیری

فرانسانین استراسبورگ شهرین‌ده، سلاح‌لی سالدیریدا ۴ نفر یاشامینی ایتیردی، ۱۱ نفر یارالاندی.

فرانسا مطبوعاتین‌دا یئر آلان خبرلرده، شهرین اؤنملی میدانلارین‌دان پلاس کلبرده قورولان نوئل بازارینا یاخین بیر بؤلگه‌ده سیلاح سسلری دویولدوغو قید ائدیلدی.

باس رین ولیلیگی، حادثه‌ده ۴ نفرین حیاتینی ایتیردیگینی،۱۱ نفرین یارالاندیغینی بیلدیردی.

کیم‌لیگی معین ائدیلن سالدیرقانین قاچدیغینی و هر یئرده آختاریلدیغینی آچیقلایان والی‌لیک، ترور سالدیریسی احتیمالی اوزرینده دوردوقلارینی بیلدیردی.

فرانسا دوغوملو ۲۹ یاش‌لی سالدیرقانین "فیش س" اولاراق بیلینن، تعقیب ائدیله‌ن شخصلر آراسین‌دا یئر آلدیغی، قاچمادان اؤنجه عسگرلر طرفین‌دن یارالاندیغی قید ائدیلدی.

سالدیرقانین ائوینه دونن سحر باشقا بیر حادثه ایله ایلگیلی اولاراق باسقین ائدیلدیگی، اؤزونون اولمادیغی بینادا ال یاپیمی پاتلاییجیلار اله گئچیریلدیگی ایر‌لی سورولدو.