امریکا روسیایا 60 گون واخت وئردی
امریکانین خاریجی ایشلر ناطیری مایک پمپئو روسیایا اورتا منزیللی نوکلئر قوه‌لری موقاویله‌سیندن (INF) ایره‌لی گلن عهده لیک لرینی یئرینه یئتیرمه‌سی اوچون 60 گون واخت وئردیک‌لرینی بیلدیردی.
امریکانین خاریجی ایشلر ناظیری مایک پمپئو روسیایا اورتا منزیللی نوکلئر قوه‌لری موقاویله‌سیندن (INF) ایره‌لی گلن عهده لیک لرینی یئرینه یئتیرمه‌سی اوچون 60 گون واخت وئردیک‌لرینی بیلدیردی.
ناتو خاریجی ایشلر ناظیرلری توپلانتی‌سیندا ایشتیراک ائتمک اوچون بلژیک-ین پایتاختی بروکسل-ده اولان امریکانین خاریجی ایشلر ناظیری مایک پمپئو مطبوعات کنفرانسی کئچیردی.
پمپئو کنفرانسدا روسیانین اورتا منزیللی نوکلئر قوه‌لری موقاویله‌سیندن (INF) ایره‌لی گلن عهده لیک لرینی یئرینه یئتیرمه دیگینی بیل‌دیره‌رک: "روسیا موقاویله‌نین شرط‌لرینی پوزارکن مومکون قدر صبیرلی داوراندیق و اونو عهده لیک لرینی یئرینه یئتیرمه‌یه چاغیردیق" دئدی.
روسیانین اورتا منزیللی SSC-8 راکت‌لری اورته ره ک ائده‌رک INF موقاویله‌سینی اساس‌لی شکیلده پوزدوغونو
بیلدیرن خاریجی ایشلر ناظیری بون‌لاری قئید ائتدی: "روسیا سلاح‌لارا نظارت عهده لیگی مسئله‌سینده حیله‌یه ال آتیر. یئنی راکت‌لر آوروپا اوچون بیرباشا تهدیددیر. روسیانین آددیم‌لاری امریکا و متفیق‌لرین تهلوکه‌سیزلیگینی جدی شکیلده تهدید ائدیر. روسیانین بو فعالیت‌لریندن سونرا امریکا اوچون موقاویله‌ده قالماق معناسینی ایتیرمیش‌دیر. روسیانین INF موقاویله‌سینه اویماق اوچون 60 گونو وار".
پمپئو 60 گون عرضینده امریکا موقاویله چرچیوه‌سینده هئچ بیر راکت سیستمی اورتمه‌یه‌جک و تست ائتمه‌یه‌جگینی، موقاویله‌دن چیخماق اوچون 6 آیلیق خبردارلیق مودتی‌نین 60 گون سونرا باشلایاجاغینی بیلدیردی.
پمپئو موسکوا رهبرلیگینی غیری -قانونی فعالیتده گوناهلاندیردی، روسیانین موقاویله‌نی پوزا‌راق اورتدیگی راکت سیستمی‌نین موجودلوغونون 2017-جی ایله ده ک قبول ائدیلمه‌دیگینی سؤیله‌دی.
خاریجی ایشلر ناظیری: "روسیا راکت سیستمینی محو ائدرسه، بونو ممنونیتله قارشیلایاریق. بونو ائتمک اوچون 60 گونلوک فورصت‌لری وار" دئدی.
خاطیرلاداق کی، امریکا پرزیدنتی دونالد ترامپ اؤتن آی INF موقاویله‌سی‌نین بیرطرف‌لی شکیلده لغو ائدیلمه‌سی باره‌ده قرار قبول ائتدیگینی آچیقلامیشدی.
ترامپ روسیانین ایللردیر قاداغان اولونان سلاح‌لار اوره ته ره ک موقاویله نی پوزدوغونو بیلدیرمیشدی.
آغ ائوین میللی تهلوکه‌سیزلیک مسئله‌لری عذره مصلحتچی‌سی بولتون موسکوایا گئده‌رک روسیا پرزیدنتی ولادیمیر پوتینی امریکانین موقاویله‌دن چکیلمه قراری ایله باغلی شخصاً معلوماتلاندیرمیشدی.
1987 -جی ایلده دؤورون امریکا پرزیدنتی رونالد ریگان و سووئت اتفاقی‌نین باش کاتیبی میخایل گورباچف طرفیندن ایمضا‌لانان اورتا منزیللی نوکلئر قوه‌لری موقاویله‌سی نوکلئر باش‌لیق‌لی اورتا منزیللی راکت‌لرین اوره تیمی و یئرلشدیریلمه‌سی‌نین قارشی‌لیق‌لی اولا‌راق قاداغان اولونماسینی نظرده توتوردو.
موقاویله سووئت اتفاقی داغیلدیق‌دان سونرا دا قوه‌ده قالمیشدی.
INF موقاویله‌سی ایله هر ایکی طرف 500-له 5 مین کیلومتر آراسینداکی منزیله صاحب تخمینن 2500 راکتی ایستیفاده‌دن چیخارماق مجبوریتینده قالمیشدی.
ایلگیلی‌لی خبرلر
فیلیسطینه دستک نوماییشلری داوام ائدیر
دونیانین بیر چوخ یئرینده مینلرله اینسان ایسرائیلین غزه زولاغینا هوجوملارینا اعتیراض ائدیب
