بمت روسیا و اوکراینایا چاغیریش ائتدی
بیرلشمیش میللت‌لر تشکیلاتی‌نین باش کاتیبی آنتونیو گوترش قارا دنیزده روسیا و اوکراینا آراسیندا آرتان گرگینلیگین اندیشه وئریجی اولدوغونو قئید ائده‌رک، طرف‌لری ماکسیموم سویه‌ده تمکین‌لی اولماغا چاغیردی.
بیرلشمیش میللت‌لر تشکیلاتی‌نین باش کاتیبی آنتونیو گوترش قارا دنیزده روسیا و اوکراینا آراسیندا آرتان گرگینلیگین اندیشه وئریجی اولدوغونو قئید ائده‌رک، طرف‌لری ماکسیموم سویه‌ده تمکین‌لی اولماغا چاغیردی.
بمت باش کاتیب‌لیگی معلومات یایدی.
معلوماتدا باش کاتیب آنتونیو گوترش کرچ بوغازیندا گرگین‌لیگی داها چوخ آرتیرا‌جاق هر نوع حرکت‌دن قاچیلماسی‌نین واجیب‌لیگینی وورغولادیغی بیلدیریلدی.
گرگین‌لیگی باریشچیل یول‌لارلا آزالتماق و مسئله‌نی یوبانما‌دان حل ائتمک اوچون طرف‌لری ماکسیموم تمکین‌لی اولماغا چاغیران گوترش هر ایکی طرفین حقوق‌لارینا، اوکراینانین اگمنلیگی و اراضی بوتؤو‌لوگونه حؤرمت گؤستریلمه‌لی اولدوغونو ایفاده ائدیب.
قئید ائدک کی، نوامبرین 25-ده روسیایا مخصوص دؤیوش گمی‌لری اوکراینانین اودسا لیمانیندان ماریوپول لیمانینا دوغرو اوزن 3 اوکراینا دؤیوش گمی‌سینه آزوف دنیزی‌نین کرچ بوغازی یاخینلیغیندا موداخیله ائدیب. اوکراینا گمی‌لری‌نین روسیانین اراضی سولارینا داخیل اولماسی و قارا دنیزده دینج کئچید قایدا‌لارینی پوزماسی موداخیله‌نین سببی کیمی گؤستریلیب.
بون‌دان سونرا اوکراینا پرزیدنتی پترو پروشنکونون طلبی ایله اؤلکه پارلامئنتی توپلانت‌لی کئچیریب. توپلانتیدا اؤلکه‌ده 30 گونلوک حربی وضعیتی نظرده توتان قرار قبول ائدیلیب.
ایلگیلی‌لی خبرلر
آنتونی بلینکن چین-لی همکاری وانگ یی ایله گؤروشوب
امریکانین خاریجی ایشلر ناظیری آنتونی بلینکن چینه رسمی سفری چرچیوه‌سینده همکاری وانگ یی ایله گؤروشوب.
