ماکرون: "امریکا ایله متفیقلیک اوندان آسیلی اولماق معناسینا گلمز"
فرانسا پرزیدنتی امانوئل ماکرون امریکانین متفیقی اولماغین اوندان آسیلی اولماق معناسینا گلمهدیگینی سؤیلهدی.
فرانسا پرزیدنتی امانوئل ماکرون امریکانین متفیقی اولماغین اوندان آسیلی اولماق معناسینا گلمهدیگینی سؤیلهدی.
فرانسا پرزیدنتی امانوئل ماکرون قاتیلدیغی TF1 جانلی یاییم پروقرامیندا امریکا پرزیدنتی دونالد ترامپین شخصینه و اؤلکهسینه یؤنلتدیگی تنقیدلرینه جاواب وئردی.
آوروپا اردوسو قورماق فیکرینه قارشی ترامپین تنقیدلرینه جاواب وئرمک ایستهمدیگینی بیلدیرن ماکرون: "ترامپ امریکا سیاستی یورودور، بونو ائتمهسینه ایجازه وئریرم" دئیه دانیشدی.
فرانسا پرزیدنتی آوروپانین اگمنلیگینه ایناندیغینی سؤیلهیهرک: "بوتون فرانسیزلارین تهلوکهسیزلیگینی امریکانین اللرینه تسلیم ائده بیلرم می؟ خیر. منیم وظیفم سیزی قوروماقدیر" دئدی.
یئنی مودافعه بودجهسی یاراتماق بارهسینده قرار قبول ائتدیکلرینی بیلدیرن ماکرون بونو آوروپا سویهسینده آوروپالی متفیقلری ایله بیرگه حیاتا کئچیرمک ایستهدیگینی ایفاده ائدهرک سؤزونه بئله داوام ائتدی: "چوخ زامان اوزوموزو امریکایا چئویریریک. امریکا بیزیم تاریخی متفیقیمیزدیر و بئله اولماقدا داوام ائدهجک، لاکین متفیق اولماق، آسیلی اولماق معناسینا گلمز. اونلاردان آسیلی اولمامالیییق".
قئید ائدک کی، دونالد ترامپ تویتر حسابیندا ماکرونو تنقید ائدن بیر مئساژیندا: "امانوئل ماکرون امریکا، چین و روسیادان قورونماق اوچون آوروپانین اردوسونون یارادیلماسیندان دانیشیر. لاکین بیرینجی و ایکینجی دونیا ساواش لاریندا آوروپایا هوجوم ائدن آلمانیا اولوب. فرانسا او زامان نه ائتمیشدی؟ امریکا قورتاریجی کیمی گلمزدن اول پاریس-ده آلمان دیلینی اؤیرنمهیه باشلامیشدیلار. عوضینی یا ناتو-یا اؤدیرسینیز یا دا اؤده مزسینیز!" یازمیشدی.
ترامپ ماکرونون خالقیندان آلدیغی دستکین آشاغی سویهده اولدوغو اوچون ایجتیماعتین دقتینی باشقا مسئلهلره یؤنلتدیگی فیکریندهدیر.
هفته سونو پایتاخت پاریس-ده ترامپ ایله گؤروشن ماکرون گؤروش عرفهسینده وئردیگی آچیقلامادا: "آوروپانین تهلوکهسیزلیگینه بو گون تکجه امریکانین تأمینات وئرمهسی عدالتسیزدیر" دئیهرک، محض بو سببدن آوروپانین داها چوخ مودافعه گوجونه احتیاجی اولدوغونا اینامینی دیله گتیرمیشدی.
ایلگیلیلی خبرلر
جوزپ بورل فیلیسطین دؤولتینی تانییاجاق اؤلکهلری آچیقلادی
جوزپ بورل ایسپانیا، مالتا، ایرلاندیا و اسلوونیا-نین فیلیسطین دؤولتینی تانییاجاغینی بیلدیریب.